“აგერ ქვეყნის პრეზიდენტი კათოლიკოს-პატრიარქსაც კი შეხვდა ამ თემაზე სასაუბროდ… ხალხს ჰკითხეთ, უნდათ შერიგება?!” – ნიკოლეიშვილი

ანალიტიკოსი, ლევან ნიკოლეიშვილი:

“ისევ შერიგების შესახებ

შთაბეჭდილება მრჩება, რომ ეს საკითხი აქტუალობას არ კარგავს, ყოველ შემთხვევაში ადამიანების გარკვეული კატეგორია ამაზე საუბრობს, რაღა შორის წავიდეთ და აგერ ქვეყნის პრეზიდენტი, სალომე ზურაბიშვილი საქართველოს კათოლიკოს-პატრიარქსაც კი შეხვდა ამ თემაზე სასაუბროდ…

უბრალოდ დასაფიქრებელია, რომ ის ადამიანები რომლებიც შერიგების ორივე მხარეს უნდა დადგნენ სხვადასხვანაირად უყურებენ ამ საკითხს, ხელისუფლება სრულიად ობიექტურად, იძახის, რომ აღიარონ და ბოდიში მოიხადონ ჩადენილი დანაშაულების გამო, უარი თქვან დამნაშავეებმა პოლიტიკაში შემდგომ საქმიანობაზე და ვნახოთო.

რადიკალები, შერიგების აუცილებლობაზე კი საუბრობენ, მაგრამ საერთოდ არ განიხილავენ რაიმე სახის ბოდიშსა თუ სინანულს, უფრო მეტიც მათი ბელადი სააკაშვილი, აქეთ იმუქრება შევრიგდეთ, თორემ მე ვიცი რასაც გიზამთო, მანამდე კი კვლავ აქციებსა და არეულობას აანონსებს.

ოპოზიციის დაბნეული თუ სააკაშვილთან აფილირებული ნაწილი შერიგებას ემხრობა, პარალელურად თავს იშტერებს თუ ისულელებს, მანამდე რაც იყო თითქოს არც იცის და არც სმენია. არის კიდევ ოპოზიციის ნაწილი, რომელსაც შერიგების უბრალოდ არც სჯერა და ვერც საჭიროებას ხედავს.

სამწუხაროდ არ კითხულობენ დაზარალებულ, ტანჯვა-წამება გამოვლილ ხალხის აზრს, აბა ჰკითხეთ მათ უნდათ შერიგება?! ან რა პირობები აქვთ ამისთვის?

ყველაზე ამორალური და უტიფარი, სრულიად ურეიტინგო, არაპოპულარული, და ავტორიტეტის არ მქონე ნაწილი, ცალკეულ უცხოელებთან ერთად, რომლებიც შერიგების (შესაძლოა გარიგების!) აუცილებლობაზე ისე საუბრობენ თითქოს ამის გარეშე მსოფლიო პოლიტიკური კრიზისი დაიწყება, სინამდვილეში კი მათ ქმედება სწორედ კუს ფეხის გამოყოფას ემსგავსება…

რეალურად, კი ქვეყანას მშვიდი და სტაბილური განვითარება სჭირდება, პოლიტიკოსები და პარტიები ადეკვატურად უნდა იქცეოდნენ, ითანამშრომლონ პარლამენტში, იდებატონ, იკამათონ, წარმოადგინონ ერთმანეთზე უკეთესი პროგრამები, შეწყვიტონ ფეიკებისა და დეზინფორმაციების გავრცელება მედია საშუალებებით, შეწყვიტონ რევოლუციებისა და რყევების დაანონსება, ნორმალურ პოლიტიკურ ცხოვრებაში ჩაებან-ამას კი სპეციალური შერიგება არადა, ქვეყნისა და სახელმწიფო ინტერესების დანახვა და მის სასარგებლოდ აზროვნება და ქმედება კი ნამდვილად სჭირდება.”