მართლმსაჯულების საკოორდინაციო საბჭოს (Bench & Bar) მორიგი შეხვედრა გაიმართა, რომელსაც ამერიკის შეერთებული შტატების საგანგებო და სრულუფლებიანი ელჩი საქართველოში კელი დეგნანი, საქართველოს უზენაესი სასამართლოს თავმჯდომარე ნინო ქადაგიძე, გენერალური პროკურორის მოადგილე ნათია მერებაშვილი, საქართველოს ადვოკატთა ასოციაციის თავმჯდომარე დავით ასათიანი, გენერალური პროკურატურის, ამერიკის შეერთებული შტატების საელჩოს, საქართველოს ადვოკატთა ასოციაციის წარმომადგენლები და თბილისის საქალაქო სასამართლოს მოსამართლეები ესწრებოდნენ.
ამერიკის შეერთებული შტატების საელჩოს მხარდაჭერით გამართულ Bench & Bar-ის შეხვედრის ფარგლებში, მონაწილეებმა სისხლის სამართლის მართლმსაჯულების პროცესში უწყვეტი სასამართლო განხილვის პრინციპის გამოწვევებზე ისაუბრეს.
აღნიშნულ საკითხებთან დაკავშირებით გაიმართა დისკუსია, მხარეებმა ერთმანეთს მოსაზრებები გაუზიარეს და კონკრეტული რეკომენდაციების შემუშავების საჭიროებასა და მათი განხორციელების სამომავლო გეგმებზე შეთანხმდნენ.
მართლმსაჯულების საკოორდინაციო საბჭოს (Bench & Bar) მიზანია ხელი შეუწყოს იურიდიული პროფესიის გაძლიერებას, პროფესიათა შორის ურთიერთპატივისცემას, ჯანსაღი კოლეგიალური დამოკიდებულების და საერთო ეთიკური პრინციპების დამკვიდრებას.
კომენტარები