ლომბარდების მსხვილი ქსელი ,,ემ ფინანსი”გაკოტრდა. ათი ათასამდე ადამიანი კუთვნილ ოქროსა და ძვირფას ნივთებს საკრედიტო დაწესებულებებში ეძებს. პროცენტის გადასახდელად და ოქროს გამოსატანად მისულებს თბილისსა და ქუთაისში ლომბარდები დაკეტილი დახვდათ. დაზარალებულები არ გამორიცხავენ, რომ საქმე თაღლითურ გარიგებასთან ჰქონდეთ.
სალომბარდო ქსელი ,,ემ ფინანსი”ოფიციალურად გაკოტრდა და მომხმარებლებს მოკლე ტექსტური შეტყობინენები გაეგზავნათ, საიდანაც მათთვის ცნობილი გახდა, რომ ვალდებულება ,,საქართველოს ბანკმა” გადაიბარა. ამის გამო თბილისსა და ქუთაისში ,,საქართველოს ბანკთან” ათი ათასობით მოქალაქის რიგები დადგა, რომლებიც არკვევდნენ, სად იყო მოთავსებული მათი ძვირფასეულობა. ხოლო ვინც მის ძვირფასეულობას მიაკვლია, ისიც გაარკვია, რომ დროთა განმავლობაში გადახდილი პროცენტები ანულირებულია და ნივთების გამოსატანად სოლიდური თანხა ხდება საჭირო.
ოქრო მქონდა დატოვებული ლომბარდში, ისინი გაქცეულან და საქართველოს ბანკში გადაუტქანიათ ოქრო, დარჩენილი მქონდა 90 ლარი, ახლა მეუბნებიან, გაკოტრდაო ის კომპანია და გადაიხადეთო 250 ლარიო. ასე როგორ შეიძლება, ხალხი ისედაც გამწარებულია – აცხადებს ტვ პირველთან ლომბარდის მომხმარებელი.
ტვ პირველმა კომპანია ,,ემ ფინანსთან” დაკავშირება სცადა, თუმცა ორგანიზაციას ყველა ტელეფონი გათიშული აქვს, მათი ოფისები კი დალუქულია.
ტვ პირველი
კომენტარები