შინაგან საქმეთა სამინისტროს ინფორმაციით, დააკავეს ბიჭი, რომელმაც ტექნიკის მაღაზია აიპლუსიდან 17 000 ლარის ღირებულების მობილურ ტელეფონები მოიპარა. პოლიცია ეძებს იგივე დანაშაულში ბრალდებულ კიდევ ერთ ადამიანს. ორივე მათგანი 21 წლისაა.
“გამოძიებით დადგინდა, რომ მიმდინარე წლის 1 დეკემბერს მ.მ.-მ და თ.რ.-მ სპეციალური ხელსაწყოს მეშვეობით დააზიანეს ტექნიკის მაღაზია აიპლუსი შესასვლელი, უკანონოდ შეაღწიეს სავაჭრო ობიექტში და მართლსაწინააღმდრგოდ დაეუფლნენ დაახლოებით 17 000 ლარის ღირებულების მობილურ ტელეფონებს”, — აცხადებენ უწყებაში.
შემთხვევა 1-ელ დეკემბერს, თბილისში მოხდა. ბრალდებულები პოლიციამ დღეს დააკავა. ნაქურდალი ნივთები და დანაშაულის იარაღი ნივთმტკიცებაად ამოღებული.
გამოძიება სისხლის სამართლის კოდექსის 177-ე მუხლის მე- 2 ნაწილის “ა” და “ბ” და მე-3 ნაწილის “ა” ქვეპუნქტებით მიმდინარეობს. დანაშაული 4-დან 7 წლამდე ვადით თავისუფლების აღკვეთას ითვალისწინებს
კომენტარები