ანი დვალიშვილი, ,,ალია”
ოფიციალურად, საქართველოში შშმ პირებს განსაკუთრებული ყურადღება ექცევათ. ეს ოფიციალურად, თორემ ისე…
ორიოდე დღის წინ, რუმინეთის დედაქალაქ ბუქარესტში, მკლავჭიდელ პარასპორტსმენებს შორის მსოფლიოს ჩემპიონატი ჩატარდა. საქართველოს ღირსებას თენგიზ გაზდელიანი იცავდა, რომელმაც ყველა მეტოქე დაჩაგრა და როგორც მარჯვენა, ისე მარცხენა ხელით, მსოფლიოს ჩემპიონატი მოიგო. შესაბამისად, გამარჯვებულის საპატივსაცემოდ ბუქარესტში საქართველოს ჰიმნი ორჯერ დაუკრეს.
ახლა კი მთავარი – გაზდელიანი ბუქარესტში ნასესხები ფულით და ნისიად აღებული სპორტული ეკიპირებით წავიდა, იქიდან ოქროს ორი მედლით ბრუნდება, კაცს უძლიერესი მარცხენა და მარჯვენა მკლავი აქვს მსოფლიოში და აეროპორტში მაინც დახვდით სპორტის მესვეურებო.
კომენტარები