საქართველოს მესამე პრეზიდენტმა სასამართლო პროცესზე განაცხადა, რომ იმ 9 მილიონიდან, რომელსაც მას პროკურატურა ედავება, თანხის მეხუთედი სანდრა რულოვსმა გარკვეულ ქველმოქმედებას მოახმარა. მიხეილ სააკაშვილი დაინტერესდა რატომ არ ასამართლებდნენ ამისთვის ყოფილ პირცველ ლედის.
„სანდრას უამრავი ხარჯი აქვს, ბავშვებზე საჩუქრები, საწოლის ყიდვა ერთ-ერთი ბავშვისთვის და უამრავი სხვა. სანდრას რატომ არ ასამართლებენ? ხარჯების დიდი ნაწილია სანდრასი. სიამოვნებით ვიჯდებოდი მასთან ერთად საბრალდებო სკამზე. იმიტომ, რომ ამ თანხების მეოთხედი, მეხუთედი სანდრასია. ოღონდ, სანამ სანდრას ედავებით, გაიხსენეთ, რომ სანდრამ შემოიტანა ქვეყანაში ასი მილიონი ევროს გრანტები სამედიცინო სფეროში. სანდრას მეშვეობით 20-ჯერ ნაკლები ქართველი ქალი კვდება მკერდის კიბოთი, ვიდრე მანამდე. სანდრას მეშვეობით, ყველა ციხის სისტემაში გეტყვით, რამდენი რაღაც აქვს გაკეთებული ჯანდაცვისთვის ციხეში. სანდრა არ არის კორუფციონერი? – განაცხადა სააკაშვილმა.
კომენტარები