საზოგადოება „ერი და სახელმწიფოს“ თავმჯდომარე ზვიად ტომარაძე სოციალურ ქსელში შემდეგი შინაარსის განცხადეას ავრცელებს:
„მიუხედავად არაერთი გაფრთხილებისა, რომ ნებისმიერი თვითშემოქმედება უნდა შეთანხმებულიყო აქციის ორგანიზატორებთან, გუშინ აქციაზე შემოგზავნილმა რამდენიმე პროვოკატორმა აქციის მიმდინარეობისას თვითნებურად დაიწყო სხვადასხვა ფრაზების ყვირილი (მაგალითად ქრისტე აღსდგა) და ვითომ ლოცვა, მათი მიზანი, რომ ლოცვა ყოფილიყო, იქვე 50 მეტრში იყო ქაშუეთის ტაძარი და შეეძლოთ შესულიყვნენ და ელოცათ. მაგრამ მათი მიზანი აქციის გამარგინალების მცდელობა იყო. რაზეც მოწმობს ოპერატიულად გადაღებული ვიდეოც. სპეცსამსახურის მიერ დაქირავებული აგენტურა, უკვე მეორედ ავრცელებს ვიდეოს და დეზინფორმაციას ჩვენი ორგანიზაციის მისამართით, რომ ვითომ ჩვენ ვინმეს ლოცვას ვუკრძალავთ! როდესაც ასეთი მძლავრი სახალხო პროტესტით სერიოზული პრობლემები შევუქმენით სისტემას, რას ემსახურება ასეთი პროვოკაციები და ჩვენი დისკრედიტაციის მცდელობები, ეს საზოგადოებამ განსაჯოს!ზვიად ტომარაძე 29/11/2021“ – წერს ზვიად ტომარაძე.
ცნობისთვის, ორგანიზაცია „ერი და სახელმწიფო“ მწვანე პასპორტეის გაუქმების მოთხოვნით პერმანენტულ აქციებს მართავს.
კომენტარები