ბათუმში ოპოზიციის აქცია მიმდინარეობს. საკრებულოს დეპუტატის, ნუგზარ ფუტკარაძის სატელეფონო ჩანაწერების გასაჯაროების შემდეგ, სამოქალაქო აქტივისტები და ოპოზიცია, აჭარის მთავრობის თავმჯდომარის გადადგომას მოითხოვენ.
აღნიშნულ საქმეში, რიჟვაძის მამის სახელიც ფიგურირებს, რომელიც აჭარის პოლიციის მაღალჩინოსანია. ოპოზიცია აცხადებს, რომ სანამ მამა-შვილი თანამდებობაზეა, ამ საქმეს არავინ გამოიძიებს.
აჭარის მთავრობის სახლთან პოლიციაა მობილიზებული ისინი აქციის მონაწილეებს გადაადგილებისა და შენობაში შესვლის საშუალებას არ აძლევენ.
ბათუმის ახალი საკრებულოს წევრი ნუგზარ ფუტკარაძე 18 ნოემბერს გარდაიცვალა. ენმ-ს თქმით, ნუგზარ ფუტკარაძეს სთავაზობდნენ 100 ათას დოლარს იმის სანაცვლოდ, რომ ყოფილიყო „ნეიტრალი“, ანუ დაეტოვებინა ნაციონალური მოძრაობა და დამოუკიდებელი დეპუტატის სტატუსით გაეგრძელებინა საქმიანობა საკრებულოში.
24 ნოემბერს „ნაციონალურმა მოძრაობამ“ გამოაქვეყნა 45-წუთიანი აუდიო ფაილი, რაც ენმ-ს ლიდერების მტკიცებით, ბათუმის საკრებულოში ენმ-ს წევრის, ნუგზარ ფუტკარაძის მოსყიდვის მცდელობას ასახავს. ჩანაწერი გაკეთებულია ნუგზარ ფუტკარაძის მიერ.
კომენტარები