იურიდიული კომიტეტის თავმჯდომარემ ანრი ოხანაშვილმა განაცხადა, რომ ანა ნაცვილიშვილი არის ადამიანი, რომლის ოჯახიც მიხეილ სააკაშვილს უკანონო ტერორში ადანაშაულებდა, სტრასბურგში უჩიოდა, დღეს კი მის გვერდით არის.
ეს არის ადამიანი, რომელთა მშობლებიც ასაჩივრებდნენ სტრასბურგის სასამართლოში, ნაცვლიშვილი- ტოგონიძის ქეისი ყველას კარგად გახსოვთ, სადაც სააკაშვილს ეუბნებოდნენ, რომ დაატერორა მათი ოჯახი და დღეს მათ გვერდით არიან. ეს არის ღირებულებითი კონტექსტი, ასე რომ, ყველაფერი ცხადია. კოლეგებო, მგონი, არ ღირს პოლემიკაში შესვლა, მასაც სწორედ ეს სურდა, თუმცა როგორი არასერიოზული დამოკიდებულებითაც მოვიდა ამაზე მეტყველებს, რომ დაგვიტოვა რაღაც ნივთი. მათთვის კარგი იქნება, თვითონ ჩაიხედონ სარკეში, რომ მიხვდნენ, სად არიან და ლეგიტიმაცია ვის არ აქვს, კარგად დაინახავენ. მშვიდობიან გზას ვუსურვებ ქალბატონ ანას, „ლელო ნაციონალურ მოძრაობასთან“ ერთად, რომლებსაც, რა თქმა უნდა, არ ექნებათ არასდროს ხელისუფლებაში დაბრუნების შესაძლებლობა, ვინაიდან საზოგადოება მათ ამის უფლებას არ მისცემს“, – განაცხადა ანრი ოხანაშვილმა.
კომენტარები