,,ნაციონალური მოძრაობის” ერთ-ერთი ლიდერი ეკა ხერხეულიძე, მიხეილ სააკაშვილის უცხო ქვეყანაში გადაყვანის საკითხზე არსებულ ინფორმაციებს სოციალურ ქსელში ეხმაურება.
იხეილ სააკაშვილის გლდანიდან გორის ჰოსპიტალში გადაყვანა არ ნიშნავს იმას,რომ მისი ჯანმრთელობის მდგომარეობა გაუმჯობესდა.თუკი რამ შეიძლება შეფასდეს გაუმჯობესებად,ეს არის პირობები,მაგრამ არცერთ შემთხვევაში ჯანმრთელობის მდგომარეობა.პირობების გაუმჯობესებაც შედარებითია-გლდანში დაორგანიზებული ფსიქოლოგიური შტურმი ჰოსპიტალში შეწყდა,თორემ პატიმრობის პირობები უცვლელია.არავინ არ იცის რა დრო დასჭირდება რეაბილიტაციას და რაც მთავარია,არავინ არ იცის როგორ უნდა იმართოს ეს სირთულეებით სავსე პროცესი.აქვე გაჩნდა მოსაზრება,რომ უმჯობესია მიშა საქართველოდან გავიდეს და ეს მიაჩნიათ მიშას გადარჩენის გამოსავლად.ჯანმრთელობის მდგომარეობის გაუმჯობესებისთვის ეს აზრი შესაძლოა რაციონალურად გამოიყურებოდეს,მაგრამ სამართლებრივ ასპექტში სრულად დამაზიანებლად მიმაჩნია, უპირველესად მიშასთვის.გვავიწყდება,რომ მიშას არც სამკურნალო ჩივილები ჰქონდა და არც იმისთვის გაურისკავს სამშობლოში დაბრუნება საკუთარი სიცოცხლით,რომ სამკურნალო პირობები მოეპოვებინა.მისი ამოცანა უპერსპექტივობაში ჩაფლული ქვეყნის გადარჩენა იყო და არის.ამიტომ,ვინც მას თავის წარმოდგენაში უკრაინაში ისტუმრებს და არ ეძებს ყველა შესაძლო გზას მისი ტყვეობიდან დახსნისთვის,უფლება მაქვს ვიფიქრო,რომ ასეთები საკუთარი თავების გადარჩენისთვის უფრო იბრძვიან,ვიდრე მიშასთვის.უკრაინაში დასაბრუნებლად გაიარა ჯოჯოხეთი? პატიმრობამდე უკრაინაში არ იყო? ვინმე ზღუდავდა მის უფლებებს იქ? არ ვიცი,არ მომისმენია დასაბუთებული არგუმენტები რატომ არის ეს აზრი უპირატესი არსებულ პოზიციებს შორის,მაგრამ თუ მსგავსი გადაწყვეტილება იმუშავებს და სამკურნალოდ საქართველოდან გაყვანა დღის სინათლეს ნახავს,ასეთ ვითარებაში,მიხეილ სააკაშვილს საქართველოში დაუბრკოლებელი შემოსვლის უფლება აღარ უნდა ჰქონდეს შეზღუდული.ჩვენ ჩვენ აზრებს გამოვთქვამთ,მაგრამ მიუხედავად უთანასწორო პირობებისა,გადაწყვეტილება მაინც მიშას მისაღებია.მთავარია ის ფიზიკურად გადარჩეს,რაც ბევრს ეს ფაქტორი დასრულებულად მიაჩნია,მაგრამ ჩემთვის,როგორც ერთი ადამიანისთვის,ამხელა თავგანწირვის ფონზე მიშასთვის მხოლოდ მკურნალობის უფლების მოპოვება დიდი უსამართლობა მგონია.მიშას ბრალდებებისგან გათავისუფლება მიმაჩნია მისი ფიზიკურად გადარჩენის გზად და ამ ქვეყნის გადარჩენის გზადაც.სამართლიანი სასამართლოს შესაძლებლობისგან ეს ქვეყანა ძალიან შორსაა.ივანიშვილის რეჟიმს ისედაც დაუსწრებლად აქვს უსამართლო განაჩენი გამოტანილი.ამიტომ,ის მოთხოვნაც,რომელიც ასე აქტუალურია დღეს-“მიხეილ სააკაშვილს მიეცეს სასამართლოზე დასწრების უფლება”,სამართლის ძიების გზა კი არაა,არამედ,ჩვენთან,ხალხთან კონტაქტის ერთადერთი შესაძლებლობაა,მცდელობაა მოიპოვოს ტრიბუნა,ისევ ჩვენი გამოფხიზლებისთვის.ეს კარგად იცის ივანიშვილმა და ამიტომ არ მიყავთ ის სასამართლოზე,თორემ სამართლებრივად მართლა სადაო რომ ჰქონდეთ რამე,ჩვენი თხოვნის გარეშე,პირდაპირ ეთერში გადაიცემოდა პროცესები.#თავისუფლებამიშას -წერს ეკა ხერხეულიძე.
კომენტარები