მიხეილ სააკაშვილის სამხედრო ჰოსპიტალში გადაყვანა არ ნიშნავს, რომ ყველაფერი დასრულებულია, მნიშვნელოვანია, რომ ის დაესწროს სასამართლო სხდომებს – ამის შესახებ ევროკავშირის ელჩმა საქართველოში კარლ ჰარცელმა განაცხადა.
“მივესალმები იმ ნაბიჯებს, რომელიც ბოლო პერიოდში მიხეილ საკაშვილის ჯანმრთელობის მდგომარეობასთან დაკავშირებით გადაიდგა. მიხარია, რომ პროცესი მიდის გამოსწორების გზით, რა თქმა უნდა ეს არ ნიშნავს, რომ ყველაფერი დასრულდა და კარგადაა. ჩვენ ვაგრძელებთ პროცესზე დაკვირვებას, თუ რამდენად არის დაცული მისი ფუნდამენტური უფლებები, რამდენად სწორად მოქმედებენ, მე დავაფიქსირებ მოსაზრებას მის სასამართლო პროცესზე დასწრებასთან დაკაშირებით. ეს ძალიან მნიშვნელოვანია, რაც გათვალისწინებულია საქართველოს კანონით, ასევე ევროპის კონვენციით. ბოლოს განვითარებული მოვლენები იქნება შესაძლებლობა ორივე მხარისათვის, რომ სიტუაცია განავითარონ სწორი გზით”,- განაცხადა ჰარცელმა.
კომენტარები