მიხეილ სააკაშვილის მონახულების შემდეგ მისი ადვოკატი ნიკა გვარამია აცხადებს, რომ საქართველოს ყოფილი პრეზიდენტი გორის სამხედრო ჰოსპიტალში ცენტრ “ემპათიას” ექსპერტების შესვლას მოითხოვს. მისივე განმარტებით, ცენტრ “ემპათიას” ექსპერტებს შორის არიან ნევროლოგები და ფსიქოლოგები და ახლა მისთვის ამ კუთხით მკურნალობა მნიშვნელოვანია. ინფორმციას „მთავარი არხი“ ავრცელებს.
იგი დაუყოვნებლივ მოითხოვს, ცენტრი ემპათიის მიერ გაკეთებული საექიმო საექსპერტო საბჭოს შესვლას. ჩემი თვალთახედვით, როგორც კი პირველადი სისუსტეები ალაგდა, წინა პლანზე წამოვიდა და ნათელი გახდა მისი სტრესული მდგომარეობის ამსახველი ნერვული მდგომარეობა, ყველაზე უფრო მძიმე ასეა, ეს მას ეტყობა მეტყველებაზეც, კომუნიკაციაზეც, სიარულზეც და ქალბატონი მარიამ ჯიშკარიანის კომისიაში არიან ნევროლოგები, ფსიქოლოგები და ფსიქოთერაპერვტები ამიტომ ძალიან მნიშვნელოვანია ალტერნატიული კონსილიუმის შემოსვლა, ეს საკმაოდ მნიშვნელოვანი გარემოებაა, – თქვა ნიკა გვარამიამ.
კომენტარები