“ვიღაცეებს ურჩევნათ, სააკაშვილი იყოს მკვდარი, ვიდრე ცოცხალი” – ამის შესახებ მიხეილ სააკაშვილის ვაჟმა, ედუარდ სააკაშვილმა, “რადიო თავისუფლებასთან” საუბრის დროს განაცხადა. ედუარდ სააკაშვილმა აღნიშნა, რომ ოპოზიციის ზოგიერთი წარმომადგენლის განცხადება და ქცევა მის გულისწყვეტას იწვევს.
“ძალიან მაშფოთებს და მართლა შემზარავია ოპოზიციის მხრიდანაც ამაზე საუბარი, როცა მესმის … – აი, თქვენ არ იცით რა მოხდება… რას დავატრიალებთ… – ფაქტობრივად ნებსით თუ უნებლიეთ, ვიღაცებს მოთხოვნილება უჩნდებათ – “ვა, რა მაგარი იქნება, ეს მართლა რომ მოხდეს, ახლა რა მაგარ რაღაცებს გავაკეთებთ, მორალური უპირატესობა გვექნება… და ამათ დედას ვუტირებთ… – მე აქ არაფერს კონსპირაციულს არ ვამბობ, უბრალოდ, თუნდაც, ტელევიზიიდანაც ასე ჩანს, ვიღაცებში გამოიკვეთა ტენდენცია, რომ შეიძლება მართლა ურჩევნიათ – მკვდარი თუ ცოცხალი”, – ამბობს ედუარდ სააკაშვილი გოგი გვახარიასთან ინტერვიუში.
კომენტარები