ოპოზიცია დღეს ჩარჩენილია იმ რეჟიმში, რომელმაც ვერანაირი შედეგი ვერ მისცა, მაგრამ მაინც ერთსა და იმავეს ტკეპნის – ამის შესახებ ანალიტიკოსი არჩილ გამზარდია სოციალურ ქსელში წერს:
ოპოზიციამ ეს უშედეგო რიტორიკა კოალიციური ხელისუფლობის შესახებ უნდა შეცვალოს კოალიციურის ნაცვლად კოაბიტაციური მართვის სტრატეგიით.ძალაუფლების ცვლილება ასე მარტივად არ მოხდება. არანაირი პირობა არ არსებობს ამისთვის. ჩვენი ქვეყნის მოქალაქეებისათვის, ხელისუფლებისათვის, საერთაშორისო პარტნიორებისათვის ამ ეტაპზე ყველაზე პრაგმატული გაგრძელება შეიძლება იყოს მსჯელობა კოაბიტაციურ რეჟიმზე გადასვლის შესახებ.კოაბიტაციამ შესაძლოა შექმნას ნელ-ნელა სამომავლოდ კოალიციის მმართველობის საფუძველი. პოლიტიკური ოპოზიცია დღეს ჩარჩენილია იმ რეჟიმში, რომელმაც ვერანაირი შედეგი ვერ მისცა, მაგრამ მაინც ერთსა და იმავეს ტკეპნის რეჟიმს ვერ ცდება. სტრატეგიული სიახლეები აუცილებელია. მე მგონია, რომ კოაბიტაციის რეჟიმზე გადასვლის შესაძლებლობა უნდა გაჩნდეს, როგორც სიახლე პოლიტიკურ ძალთა შორის ურთიერთობისა. კოაბიტაციაში, ცხადია, ვგულისხმობ ოპოზიციასა და ხელისუფლებას შორის თნამმართველობითობის შექმნის საფუძვლებსა და პირობებს, საქმიან კომუნიკაციას, ოპონირება-თანამშრომლობის შექმნას, ძალთა გადანაწილების შესაძლებლობას.სხვა შემთხვევაში, ოპოზიცია განწირულია წარუმატებლობისათვის, რაც მხოლოდ ხელისუფლების ძალაუფლებას კიდევ უფრო მდგრადს გახდის და კიდევ უფრო ავტოკრატულს. რადიკალიზმი უნდა გადამუშავდეს პოზიციათა და ვალდებულებათა გადაკვეთად და არა დაშორებად. დროა, პოლიტიკურმა მხარეებმა დაიწყონ მსჯელობა კოაბიტაციურ სტრატეგიაზე – წერს არჩილ გამზარდია.
კომენტარები