ჯანდაცვის სამინისტროს მიერ შექმნილი კონსილიუმის წევრის, ექიმ ელენე გიორგაძის თქმით, საქართველოს მესამე პრეზიდენტის, მიხეილ სააკაშვილის მდგომარეობა სტაბილურია.
“დღეს დავამთავრეთ მესამე კრიტიკული დღე. პაციენტიც და ყველა ექიმი ვართ კმაყოფილი. “ჩეპეს” გარეშე გავიარეთ სამივე დღე. დღეს დამატებით კალორაჟი და კვება იყო უფრო გაფართოებული. თავს გრძნობს დამაკმაყოფილებლად, სტაბილურია მისი მდგომარეობა.
ყველა ანალიზი კეთდება ყოველ დღე, შიმშილის მარკერები ნორმალურია, როგორც იქნა, ცილამაც ნელნელა დაიწყო მოწესრიგება.
ხვალიდან გადავდივართ უკვე დაკვირვების სტადიაში, ნელნელა გავაფართოებთ კალორაჟს, შევიყვანთ სხვადასხვა პროდუქტს, ეს გაგრძელდება ალბათ ორშაბათამდე, შემდეგ უკვე გადავალთ სულ სხვა კვებაზე. თვითონ თავს გრძნობს უკეთესად.
ნურავის გაგიკვირდებათ, რომ სისუსტე რჩება, თუმცა, ისეთი არ არის, როგორიც შაბათს იყო. სისუსტე რჩება, 50 დღე როდესაც შიმშილობს ადამიანი“, – განაცხადა ექიმმა.
კომენტარები