სახლს კაზინოში დაკარგავ, თუ მაღაზიებში ნავაჭრით გამოტენი და აღარ დაეტევი, რა მნიშვნელობა აქვს? – ფსიქოლოგი ნათია ფანჯიკიძე ონლაინ კაზინოებთან დაკავშირებით პრემიერ მინისტრის ინიციატივას სოციალურ ქსელში ეხმიანება.
„არამარტო კაზინოები, ჩემი აზრით მაღაზიებიც უნდა დაიკეტოს. ფულს თუ ვერ დახარჯავ, მეტი გექნება და იქნები მდიდარი. ელემენტარული რამე რომ ასახსნელი იქნება, რთულს რანაირად გაიგებთ ხალხო? და სხვათაშორის, მეტი არგუმენტით რომ გავამყარო ჩემი ეს მოსაზრება, – შოპოჰოლიზმი სცდება თავის დაჯილდოების ნორმალურ დოზას და სწორედ ისევე აცარიელებს ჯიბეს და ამრავლებს ვალებს, როგორც კაზინოში წაგება. განსხვავება მხოლოდ ნივთების რაოდენობის გაზრდაშია. შედეგად, მარადგამოუყენებელი, არასაჭირო ნივთების სიჭარბის გამო საცხოვრებელ სივრცეში ადამიანის ადგილი აღარ რჩება. სახლს კაზინოში დაკარგავ, თუ მაღაზიებში ნავაჭრით გამოტენი და აღარ დაეტევი, რა მნიშვნელობა აქვს? თავიდან ბოლომდე თვითდესტრუქციული, მაშასადამე ასაკრძალი ქმედებაა.ინსტრუქცია: ეს არის ღლიცინა სტატუსი, ხუმრობა. სერიოზულად რასაც ვფიქრობ, კომენტარებშია ქვევით“ – წერს ნათია ფანჯიკიძე.
კომენტარები