საქართველოს ყოფილი პრეზიდენტის, მიხეილ სააკაშვილის მკურნალი ექიმის განცხადებას მკურნალობის პროცესში ფსიქოლოგისა და ფსიქიატრის ჩართვის აუცილებლობაზე ანალიტიკოსი გია აბაშიძე სოციალურ ქსელში გამოეხმაურა:
„სჯობს გვიან, ვიდრე არასდროს. საინტერესოა, ნაცტელევიზიები თუ გვაუწყებენ ფსიქიატრის შეფასებებს. აქამდე პატიმარი სააკაშვილის ჯანმრთელობის მდგომარეობის ყველა დეტალი ხომ გაგვიმხილეს?..ისე არ მოხდეს, რომ დაიწეროს დასკვნა, რომ ექს-პრეზიდენტი საჭიროებს გადაუდებელ ფსიქოსოციალურ რეაბილიტაციას და ამგვარი კლინიკა საქართველოს ფარგლებს გარეთაა… თუმცა, ასეთ შემთხვევაში, ხუხულასავით ჩამოიშლება ის ტრაგიკომიკურად შეთითხნილი იმიჯი სექტის ბელადის “არამიწიერ”, “ეპოქალურ” “მისიონერობაზე”.ცნობისათვის, ფსიქოსოციალური რეაბილიტაციის მომხმარებელი (პაციენტი) არის პირი, რომელსაც აღენიშნება ქრონიკული ფსიქიკური აშლილობა (შიზოფრენია, შიზოტიპური ან ბოდვითი აშლილობა, შიზოაფექტური აშლილობა, გუნებგანწყობის (აფექტური) აშლილობა, ობსესიურ- კომპულსიური აშლილობა, პოსტტრავმული სტრესული აშლილობა, გონებრივი განვითარების შეფერხება და დემენცია)….“ – წერს გია აბაშიძე.
კომენტარები