გორის ჰოსპიტალში მიხეილ სააკაშვილის მოსანახულებლად ექსპრეზიდენტის დედა გიული ალასანია და მისი მეგობარი ქალი, უკრაინელი დეპუტატი ლიზა იასკო მივიდნენ. ისინი კლინიკაში შევლის ნებართვას ელოდებიან.
იასკოს მედიასთან კომენტარი არ გაუკეთებია. მისი თქმით, იმ შემთხვევაში, თუ პაციენტთან შეხვედრის შესაძლებლობა მიეცემა, ამ შეხვედრის შემდეგ გააკეთებს მედიასთან განმარტებებს.
რაც შეეხება მიხეილ სააკაშვილის დედას გიული ალასანიას მისი თქმით, ის შვილის მონახულებას გუშინაც ცდილობდა, თუმცა არასამუშაო საათების გამო შეხვედრა არ შედგა.
“გუშინ ვიყავი მოსული და არ შემიშვეს სამუშაო საათები დასრულებულიაო და ახლა ვცდილობ, რომ შევიდე, არავითარი ინფორმაცია არ მაქვს, ველოდები რომ შემიშვან,” – განაცხადა გიული ალასანიამ.
ამასთან, მიხეილ სააკაშვილთან დღეს ადვოკატები შევლენ. ეს იქნება უფლებადამცველების პირველი შეხვედრა მას შემდეგ, რაც პატიმარი ექსპრეზიდენტი მკურნალობის გასაგრძელებლად ციხის საავადმყოფოდან გორის სამხედრო ჰოსპიტალში გადაიყვანეს.
ამასთან, მიხეილ სააკაშვილთან შესახვედრად პროცედურებს გადის ენმ-ის წევრი გიორგი ჩალაძე.
მიხეილ სააკაშვილმა შიმშილობა 3 დღის წინ შეწყვიტა. ექიმების თქმით, მისი ჯანმრთელობის მდგომარეობა სტაბილურია.
კომენტარები