თბილისში მიკროავტობუსის ახალი ხაზები ინიშნება

დღეიდან თბილისში მიკროავტობუსების ახალი მარშრუტები ამოქმედდება. ესენია მეტროსადგურ “გურამიშვილიდან” ზღვისუბნის დამაკავშირებელი; სოფელი დიღმის შიდა ქუჩების; სოფელ თელოვანისა და დიდგორის დამაკავშირებელი მარშრუტები. 

ინგუშეთისა და მაისურაძის ქუჩებზე ინიშნება მარშრუტი, რომელიც მათ მეტროსადგურ “ახმეტელის თეატრთან” დააკავშირებს. გარდა ამისა, მარშრუტები N454 და N494 ჩაანაცვლებს აქამდე არსებულს N54 და N104 მარშრუტებს. ყველა მარშრუტზე იმოძრავებს ახალი, ლურჯი ფერის მიკროავტობუსები.

N421 მარშრუტი მეტროსადგურ „გურამიშვილიდან“ ურეკის ქუჩის გავლით, ზღვისუბნის XI-III-IV მიკრორაიონებს მოემსახურება.

N441 მარშრუტი გადაადგილდება სოფელი დიღმის ცენტრიდან ამავე სოფელში, რუსთაველის, ყაზბეგისა და ფიროსმანის ქუჩების მიმართულებით.

N443 მარშრუტი სოფელი დიღმის ცენტრიდან მოემსახურება სოფელ დიდგორსა და სოფელ თელოვანს.

N446 მარშრუტი მეტროსადგურ „ახმეტელის თეატრიდან“ ხიზანიშვილისა და ვეკუას ქუჩების გავლით გადაადგილდება მაისურაძისა და ინგუშეთის ქუჩების მიმართულებით.

N454 მარშრუტი მოემსახურება ვარკეთილის III ა მიკრორაიონს მეტროსადგურ „ვარკეთილამდე“ და ჩაანაცვლებს მარშრუტს – N54.

N494 მარშრუტი მოემსახურება მუხიანის აგარაკებში ვარდისუბნის ქუჩას მეტროსადგურ „ახმეტელის თეატრამდე“, ამავდროულად ჩაანაცვლებს მარშრუტს – N104.

წლის ბოლომდე ქალაქში ყვითელი ავტობუსების სრულად ჩანაცვლება იგეგმება.