მადაგასკარში შიმშილით 1,3 მილიონი ადამიანი იტანჯება და უკვე 30 000 ადამიანის სიცოცხლეს საფრთხე ემუქრება. ადამიანები იძულებულები არიან, კაქტუსები და კალიები ჭამონ. ინფორმაციას მადაგასკარში გაერო-ს ჰუმანიტარული დახმარების კოორდინატორმა გაავრცელა. მისივე თქმით, შიმშილობა ბოლო 40 წლის განმავლობაში ყველაზე საშინელი გვალვის შედეგია. გვალვასთან ერთად კუნძულის სამხრეთ ნაწილს თავს დაატყდა ქვიშის ქარიშხლები. არსებულ სიტუაციაში, საკვების მოყვანა, მინიმუმ 3 წელი, შესაძლოა, ვეღარ მოხერხდეს. იგი მსოფლიოსგან დაუყოვნებლი მოქმედებას ითხოვს.
“გვალვაში გადასარჩენად, ქალები, ბავშვები, ოჯახები კაქტუსებს ან კალიებს ჭამენ. ნახევარ მილიონზე მეტი ბავშვი საკვების მწვავე დეფიციტს განიცდის. მსოფლიო ვეღარ მოიქცევა ისე, თითქოს არაფერი ხდება. მოვუწოდებ საერთაშორისო საზოგადოებას, გამოავლინოს სოლიდარობა მადაგასკარის ხალხის მიმართ და კატასტროფის თავიდან ასაცილებლად საჭირო დაფინანსება უზრუნველყოს”, – განაცხადა სანოგომ.
კომენტარები