ყველა ურთიერთობა სხვა სახელმწიფოებთან და მათ წარმომადგენლებთან უნდა ეფუძნებოდეს ურთიერთპატივისცემას, ეს არის და ეს – ამის შესახებ საქართველოს კულტურის მინისტრმა თეა წულუკიანმა 21 არასამთავრობო ორგანიზაციის განცხადების შეფასების დროს განაცხადა, სადაც აღნიშნულია, რომ დასავლელ პარტნიორებზე მმართველი პარტიის თავდასხმები შემაშფოთებელი ტენდენციის სახეს იღებს.
„არ მაინტერესებს არასამთავრობო ორგანიზაციების განცხადებები, თუ ეს არ მეხმარება მუშაობაში და იმაში, რომ ვიმუშაო უკეთესად, კიდევ უფრო უკეთესად. მე მაქვს ის პოზიცია, რაც ნებისმიერ ქართველს ამ ქვეყანაში. საქართველო სუვერენული სახელმწიფოა, საქართველო თავისი დამოუკიდებლობა მოიპოვა, თავისი მეგობრების დახმარებით, რა თქმა უნდა, მაგრამ საკუთარი სისხლით, მათ შორის ახალგაზრდა გოგოებისა და ბიჭების. ამ დამოუკიდებლობას მოფრთხილება სჭირდება და მუდმივად შეხსენება ყველასთვის, რომ ჩვენ ვართ ძალიან ძველი და დიდი კულტურის ერი. შესაბამისად, ყველა ურთიერთობა სხვა სახელმწიფოებთან და მათ წარმომადგენლებთან უნდა ეფუძნებოდეს ურთიერთპატივისცემას, ეს არის და ეს. ეს მარტივი პრინციპია, რომელიც მოქმედებს ნებისმიერ სხვა სახელმწიფოში“, – განაცხადა თეა წულუკიანმა.
კომენტარები