სახალხო დამცველის მიერ შექმნილი მულტიპროფილური სამედიცინო ექსპერტთა ჯგუფის წევრები გლდანის მე-18 სამკურნალო დაწესებულებაში რამდენიმე საათის განმავლობაში იმყოფებოდნენ. ციხიდან გამოსვლის შემდეგ ექიმი-კარდილოგი გიორგი პაპიაშვილი აცხადებს, რომ ჯანმრთელობის ასეთი საგანგაშო მონაცემით მესამე პრეზიდენტი ამ დროისათვის ინტენსიური თერაპიის განყოფილებაში მკურნალობას უნდა გადიოდეს.
„ცალსახად, ის ნამდვილად შიმშილობს, ამაზე მინდა, რომ არანაირი კითხვის ნიშანი აღარ იყოს. ამას არავინ არ უარყოფს, თვითონ ციხის პერსონალიც, რომ ერთ-ერთი ყველაზე საგანგაშო არის მისი კალიუმის დაბალი მონაცემი. დაბალმა კალიუმმა შეიძლება გამოიწვიოს გულის ძალიან მძიმე არითმიები, მათ შორის, ისეთი ტიპის არითმიაც, რომელსაც უეცარი გულის გაჩერება მოჰყვება. შესაბამიად, ასეთი დაბალი კალიუმის შემთხვევაში პაციენტი ზოგადად უნდა იყოს ინტენსიური თერაპიის განყოფილებაში უკვე, რომ მიდიოდეს ინტენსიური მკურნალობა, – განაცხადა პაპიაშვილმა.
ექსპერტთა ჯგუფი, პოზიციის შეჯერებისა და დასკვნის მომზადების შემდეგ, 17 ნოემბერს, საღამოს ბრიფინგის გამართვას გეგმავს.
კომენტარები