რუსეთის “როსზდრავნადზორმა” ფარმაცევტულ კომპანია Pfizer-ს უფლება მისცა, რუსეთში კორონავირუსის საწინააღმდეგო კაფსულების, Paxlovid-ის ცდები ჩაეტარებინა. ინფორმაციას DW ავრცელებს.
კომპანიის ინფორმაციით, პრეპარატი კოვიდინფიცირებული პაციენტის ჰოსპიტალიზაციის ან სიკვდილის რისკს 89 პროცენტით ამცირებს.
ცდების დროს პრეპარატს Paxlovid-ს გამოიყენებენ ზრდასრულებში, რომლებიც კორონავირუსით ინფიცირებულ ადამიანებთან სახლის პირობებში კონტაქტობდნენ. ჯამში ცდებში სხვადასხვა ქალაქებიდან 90 ადამიანი მიიღებს მონაწილეობას.
Pfizer Paxlovid-ის გატანას გლობალურ ბაზრებზე აპირებს. ჯამში, ცდებში, რუსეთის გარდა, სხვადასხვა ქვეყნიდან 7000 ადამიანი მონაწილეობს. თუ პრეპარატი ეროვნული მარეგულირებელი ორგანოების მიერ დამტკიცდება, კომპანია ყველა ამ ქვეყნის ბაზარზე მის ხელმისაწვდომობას უზრუნველყოფს.
კომენტარები