“ოცნება კლავს” – პარტია ,,ლელოს” ლიდერები, მედიკოსები და საქართველოს მესამე პრეზიდენტის მხარდამჭერები ჯანდაცვის სამინისტროსთან აქციას აწყობენ და მინისტრ ეკატერინე ტიკარაძესთან შეხვედრას ითხოვენ.
გვინდა, შევახსენოთ, რა არის მათი ამოცანა, ადამიანის ჯანმრთელობა და სიცოცხლე. გვინდა, შევახსენო მათ, რომ 2 წლის განმავლობაში კოვიდის გამო იმაზე მეტი ადამიანი დავკარგეთ, ვიდრე აფხაზეთის ომის დროს. არ გამოსდით მათ ეს საქმე. წადით, რადგან არც პასუხისმგებლობა გაქვთ და არც პროფესიონალიზმი. იმ ხალხს დაუთმეთ, ვისაც შეუძლია მართვა. იმდენად მიგვაჩვიეს სიკვდილს, რომ პერსონალურ სიკვდილებზე გადავიდნენ და ველოდებით, როდის მოკვდება საქართველოს მესამე პრეზიდენტი. გადაწყვეტილებას ვერ იღებენ, მცირე, კაცმაცუნებული აზროვნება აქვთ. რევანშის აღება სურთ. მაშინ ხარ შენ ხელისუფლება, როცა პატიება შეგიძლია – აცხადებს ,,ლელოს” წევრი, ვატო სურგულაძე.
აქციის მონაწილეების თქმით, აქციები ჯანდაცვის სამინისტროსთან პერმანენტულ ხასიათს მიიღებს, სანამ მათი მოთხოვნა არ შესრულდება.
კომენტარები