მიხეილ სააკაშვილის მიერ სახელმწიფო ბიუჯეტის თანხების გაფლანგვის საქმეზე დღევანდელი სასამართლო პროცესი დასრულდა და 2 დეკემბერს გაგრძელდება.
პროცესი, რომელსაც მიხეილ სააკაშვილი ისევ არ დასწრებია, ხმაურით მიმდინარეობდა. სხდომაზე კამათი იყო ბრალდების მხარესა და ადვოკატ ბექა ბასილაიას შორის. ადვოკატი ბრალდებულ მიხეილ სააკაშვილის პროცესზე დასწრებას ითხოვდა.
პროკურატურა საქართველოს ყოფილ პრეზიდენტს, მიხეილ სააკაშვილსა და სახელმწიფო დაცვის სპეციალური სამსახურის ყოფილ უფროსს, თემურ ჯანაშიას სახელმწიფო ბიუჯეტის თანხების გაფლანგვას ედავება.
ადვოკატები მოსამართლე ბადრი კოჭლამაზაშვილის აცილებას ითხოვენ.
კომენტარები