გლდანის ციხის დირექტორს კორონავირუსი დაუდასტურდა. როგორც On.ge-ს პენიტენციურ სამსახურში განუცხადეს, ციხის თანამშრომლები, ისევე, როგორც დირექტორი ინტენსიურად იტესტებიან და მას შემდეგ რაც მას ვირუსი დაუდასტურდა, დაწესებულებაში აღარ შესულა.
“კონკრეტულად ის იტესტებოდა ყოველი შესვლის წინ. არცერთ ეტაპზე მას ვირუსი არ დადასტურებია, თუმცა, რამდენიმე დღის წინ გასული იყო სამოქალაქო კლინიკაში გარკვეული მანიპულაციისთვის და იქიდან დაბრუნებისას, სანამ შევიდოდა ამ დაწესებულებაში გაიკეთა საკონტროლო ტესტირება და დადგინდა მისი დადებითი შედეგი. შესაბამისად, დაწესებულებაში აღარ შესულა”, — აცხადებენ პრესსამსახურში.
ინფორმაცია მისი შესაძლო ინფიცირების შესახებ მედიაში გუშინ გავრცელდა, თუმცა როგორც სააკაშვილის ექიმმა, ნიკოლოზ ყიფშიძემ განაცხადა, ციხეში მას უთხრეს, რომ დირექტორს ვირუსი არ ჰქონდა და დაწესებულებაში ცხვირის ოპერაციის გამო არ იმყოფებოდა.
კომენტარები