დღეს მარტივი მოცემულობაა, ადამიანი თუ ჯანმრთელია, უნდა მოიყვანონ სხდომაზე, თუ ავად არის, გადაიყვანონ საავადმყოფოში, – ამის შესახებ „ნაციონალური მოძრაობის“ წევრმა, თემურ ჯანაშიამ საბიუჯეტო თანხების გაფლანგვის საქმეზე ბრალდებულ მიხეილ სააკაშვილის სასამართლო პროცესზე დასწრების საკითხთან დაკავშირებით განაცხადა.
მისივე თქმით, ეჭვები ჩნდება, რამდენად ობიექტურადაა გამოძიებული საქმე.
„ცხრა წელი „ოცნება“ ჰპირდებოდა ამომრჩეველს, რომ სააკაშვილი წარდგებოდა სასამართლოს წინაშე და აგერ არის სასამართლო. თვითონ ის ფაქტი, რომ საქმე ამდენი ხანია, მიმდინარეობს, ისედაც ეჭვებს ბადებს, რამდენად ობიექტურადაა გამოძიებული. ამაზე ცხრა წელი ვლაპარაკობთ და ყველას შევაწყინეთ თავი ჩემი პიჯაკებით“, – განაცხადა თემურ ჯანაშიამ.
ცნობისთვის, ე.წ. პიჯაკების საქმეზე მთავარ ბრალდებულს, მესამე პრეზიდენტს, მიხეილ სააკაშვილის სასამართლო სხდომაზე დასწრების უფლება არც დღეს მისცეს. ოფიციალური განცხადება პენიტენციურმა სამსახურმა გაავრცელა. მიზეზად კი მისი უსაფრთხოება და ჯანმრთელობის მდგომარეობის გაუარესება დაასახელა.
კომენტარები