როგორც ექიმი, როგორც მოქალაქე და ჰუმანური ადამიანი კატეგორიულად მოვითხოვ მიხეილ სააკაშვილის დაუყოვნებელ გადაყვანას მულტიპროფილურ კლინიკაში! – მედიცინის მეცნიერებათა დოქტორი, პედიატრი ინგა მამუჩიშვილი საქართველოს მესამე პრეზიდენტის, მიხეილ სააკაშვილის ჰოსპიტალიზაციაზე სოციალურ ქსელში მიმართვას ავრცელებს.
ინგა მამუჩიშვილი იმ საფრთხეებზე ამახვილებს ყურადღებას, რაც შიმშილობის 45-ე დღეს მესამე პრეზიდენტს ემუქრება და პასუხისმგებელ პირებს გამოფხიზლებისკენ მოუწოდებს.
“დრო აღარ ითმენს! როგორც ექიმი,როგორც მოქალაქე და ჰუმანური ადამიანი კატეგორიულად მოვითხოვ მიხეილ სააკაშვილის დაუყოვნებელ გადაყვანას მულტიპროფილურ კლინიკაში! რატომ დუმს კონსილიუმი??? თქვენ დასკვნა დადეთ და ვალდებული ხართ აღასრულოთ თქვენი მოთხოვნა! რატომ არ უტალახებთ კარს შესაბამის უწყებებს!!! აგვიანებთ,ძალან აგვიანებთ,აღარ არის ბჭობის,ინტერვიუების,პოსტების დრო…
შიმშილობის 45-ე დღეა და ბავშვმაც კი იცის რა საშიშროებასთან გვაქვს საქმე! დავანებოთ თავი იმას,რომ ის მესამე პრეზიდენტია,რომ უდიდესია მისი ღვაწლი ამ ქვეყანაში!!!ძალადობით ვართმევთ ადამიანს სიცოცხლეს,რისი უფლებაც მას კონსტიტუციურად აქვს მინიჭებული!!! აცნობიერებთ რას აკეთებთ? ვითარება მძიმდება ყოველდღიურად,წუთებია მისი სიცოცხლის გადამწყვეტი,რა დროს პოლიტიკური ჯიბრია,ქვეყანა თუ გიყვართ,იმაზე მაინც იფიქრეთ რომ ასამარებთ ქვეყნის რეპუტაციას მსოფლიოს წინაშე!!! არცერთი მოქალაქის სიცოცხლის მოსპობა არ მიღირს რუსეთის საამებლად! ნუთუ ასე გიყვართ პუტინი??? გასაოცარია! დროულად გამოფხიზლდით ყველა, ვინც პასუხისმგებელია მესამე პრეზიდენტის სიცოცხლეზე!!! რა უსულგულობაა,რა უღმერთობაა!! მძიმე პაციენტი ფაქტიურად ერთი საკნიდან მეორეში გადაიყვანეთ, სადაც არ არსებობს ამ სიმძიმის ექვივალენტური სერვისები პაციენტის დახმარების აღმოსაჩენად! ყოველ წუთს უნდა ველოდეთ კომატოზური მდგომარეობის განვითარებას,იქ კი წნევის გაზომვის გარდა არანაირი სხვა შესაძლებლობა არ აქვთ!!! იმოქმედეთ,ეს დღესვე უნდა მოხდეს,სასწრაფო წესით!!! ეს უკვე ტრაგედიაა!!!არაადამიანური,არაჰუმანური გამოხმაურებები არ მჭირდება!!! არც სისხლიანი 9 წელი არ ახსენოთ,გაცვდა ეს თემა უკვე!!! #დუმილიკლავს #სასწრაფოდგადაიყვანეთ”,- წერს ინგა მამუჩიშვილი Facebook-ზე.
კომენტარები