საქართველოში აშშ-ს ელჩის კელი დეგნანის თქმით, სახალხო დამცველის ოფისი კრიტიკის ნაცვლად ქებას იმსახურებს. ჟურნალისტებმა ელჩს კითხვა ქართული ოცნების მიერ სახალხო დამცველის, ნინო ლომჯარიას კრიტიკასთან დაკავშირებით დაუსვეს.
კელი დეგნანი:
“მე ვფიქრობ, რომ სახალხო დამცველი ასრულებს ერთერთ ყველაზე მნიშვნელოვან როლს ნებისმიერ დემოკრატიაში. და ვთვლი, რომ სახალხო დამცველის ოფისი თბილისში და ბათუმშიც შედგება საკუთარი საქმის ერთგული პროფესიონალებისგან და კრიტიკის ნაცვლად ისინი ქებას იმსახურებენ.
სახალხო დამცველის ოფისი ძალიან მნიშვნელოვან როლს ასრულებს საქართველოს საზოგადოებაში, ისევე როგორც სხვა სამოქალაქო საზოგადოების ორგანიზაციები. სახალხო დამცველი არის ადამიანის უფლებების, კარგი მმართველობის, დემოკრატიული ფასეულობების დამცველი ნებისმიერ საზოგადოებაში მათ შორის საქართველოში.”
დღეს ქართული ოცნების თავმჯდომარემ, ირაკლი კობახიძემ სახალხო დამცველი პარტიულ მიკერძოებულობაში დაადანაშაულა და თქვა, რომ ნინო ლომჯარია აჩვენებს, რატომ არ შეიძლება თანამდებობის მიცემა “ნაცმოძრაობისთვის”.
“სახალხო დამცველს და ნაცმოძრაობის დანარჩენ წარმომადგენლებს აქვთ ერთიდაიგივე დღის წესრიგი. ერთადერთი მიზეზით უნდათ მათ სააკაშვილის რამენაირად სამოქალაქო საავადმყოფოში გადაყვანა, ყოველგვარი საფუძვლის გარეშე.” – თქვა კობახიძემ.
კომენტარები