„ენმ, ელენე ხოშტარია თუ იწყებს შიმშილობას თქვენ რას ელოდებით?!“- ასე მიმართავს „კმარას“ ყოფილი ლიდერი თეა თუთბერიძე ერთიანი ნაციონალური მოძრაობის“ იმ წევრებს, რომლებსაც საპარლამენტო მანდატები ჯერ არ დაუტოვებიათ.
„რატომ არ იწყებთ შიმშილობას პარლამენტში ენმ-ის დეპუტატები ვისაც მანდატები ჯერ კიდევ არ დაგიტოვებიათ? რატომ არ შლით კარვებს და რატომ არ ნაწილდებით 150 კაციანი პოლიტსაბჭო ევროკავშირის ქვეყნების, ამერიკის და ბრიტანეთის საელჩოების, გაეროსა და NATO წარმომადგენლობების წინ საშიმშილოდ, მოთხოვნით, სასწრაფო წესით მოხდეს მათი მხრიდან ხელისუფლების იძულება მიხეილ სააკაშვილის სამოქალაქო კლინიკაში გადაყვანაზე?!
რამე უფრო ეფექტური გეგმა გაქვთ? თუ გაქვთ სად არის?!“- წერს თუთბერიძე სოციალურ ქსელში.
შეგახსენებთ, პარტია „დროას“ ლიდერმა ელენე ხოშტარიამ, ექსპრეზიდენტ სააკაშვილის სამოქალაქო კლინიკაში გადაყვანის მოთხოვნით, შიმშილობა დაიწყო.
კომენტარები