აშშ-ის პრეზიდენტი, ჯო ბაიდენი მშობლებს ბავშვების ვაქცინაციისკენ მოუწოდებს. აშშ-ის პრეზიდენტის თქმით, „ბავშვებისთვის ვაქცინები გიგანტური წინგადადგმული ნაბიჯია პანდემიიდან გამოსვლის დაჩქარების მიზნით“.
„მთელი ქვეყნის მასშტაბით მშობლებისთვის ეს შვებისა და ზეიმის დღეა“, – აღნიშნა ჯო ბაიდენმა.
აშშ-ის პრეზიდენტის თქმით, 28 მილიონი ბავშვის ვაქცინაციის მიზნით, ადმინისტრაციამ უკვე შეიძინა Pfizer-BioNTech-ის ვაქცინის საკმარისი რაოდენობის დოზები.
„ჩვენი შვილების ვაქცინაციისთვის თვეების განმავლობაში ვემზადებოდით. ჩვენი პროგრამა მიმდინარე კვირას გაფართოვდება, რათა მომავალი კვირიდან სრულად ამოქმედდეს“, – აღნიშნა ჯო ბაიდენმა.
3 ნოემბერს, აშშ-ის დაავადებათა კონტროლისა და პრევენციის ცენტრის (CDC) დირექტორმა, როშელ ვალენსკიმ კორონავირუსის საწინააღმდეგო Pfizer/BioNTech-ის ვაქცინის 5-11 წლის ბავშვებში გამოყენება საბოლოოდ დაამტკიცა.
კომენტარები