ფოტო – ტვ პირველი
ქუთაისის N 90 საარჩევნო უბნის რეგისტრატორი, რომელმაც “ქართული ოცნება” არჩევნების გაყალბების მცდელობებში ამხილა, გაუჩინარდა. იზო ჩირგაძე უკვე 48 საათია აღარავის უნახავს. მისი სახლიდან რამდენიმე წუთის წინ შეიარაღებული პირები გამოვიდნენ, თუმცა ვინ არიან და რა მიზნით იმყოფებოდნენ აღნიშნულ მისამართზე, მათ მედიასთან ეს არ თქვეს.
“ქართული ოცნების” რეგისტრატორს ეძებენ ევროპელი დამკვირვებლები, თუმცა მის კვალზე ვერავინ გავიდა. იზო ჩირგაძის ადგილსამყოფელი არც მეზობლებმა იციან.
ჩემთვის უცნობია სად ბრძანდება ახლა ქალბატონი იზა და მისი ოჯახი. როგორც მეუბნებიან, სახლში ისინი არ არიან. ჩვენ არ ვართ სამართალდამცავები, რომ ძებნა განვახორციელოთ. ვთხოვთ მას, რომ გამოჩნდეს. ვპირდებით, რომ მისი უსაფრთხოება იქნება დაცული. ვიცით, რომ დღეს ჩვენ სამწუხაროდ, გვაქვს პოლიციური სისტემა, სუს-ი აკონტროლებს ყველას და ყველაფერს, ისმინება ყველაფერი, ის, რომ იზას და „ნაციონალური მოძრაობის“ კოორდინატორი შეხვედრაც კი ლამის ჩაიშალა, ამის დასტურია.– ამბობს ქუთაისის ვიცე მერობის კანდიდატი ოპოზიციიდან, იმედა კლდიაშვილი, “ტვ პირველთან”
ორგანიზაცია ISFED-ი განცხადებას ავრცელებს, რომლის თანახმადაც მათ იზო ჩირგაძესთან შეთანხმება ჰქონდათ, რომ მის ინტერესებს დაიცავდნენ, თუმცა “ქართული ოცნების” კოორდინატორი კონტაქტზე არც მათთან გადის. ორგანიზაცია ფიქრობს, რომ ჩირგაძეს საფრთხე ემუქრება.
კომენტარები