“არავის ჰქონდეს ილუზია, რომ ამ შედეგების აღიარებით, ჩვენ ამ არჩევნების ლეგიტიმურობას ვაღიარებთ, არა!” – ჯაფარიძე

პოლიტიკოსი, ზურაბ ჯაფარიძე:

“ის რომ ჩვენ, ოპოზიციური პარტიები, ვიღებთ მონაწილეობას იმ პროცესში, რასაც საქართველოში ვეძახით არჩევნებს, სულაც არ ნიშნავს იმას, რომ ჩვენ არ გვესმის, რომ ეს არ არის სამართლიანი და თავისუფალი არჩევნები. ჩვენ როცა გადაწყვეტილება მივიღეთ, რომ მიგვეღო მონაწილეობა ამ არჩევნებში, ეს გადაწყვეტილება მივიღეთ იმის გამო, რომ დემონსტრირება მოგვეხდინა ყველასთვის, ქვეყნის შიგნით და ქვეყნის გარეთ, რომ მიუხედავად დაშინებისა, შანტაჟისა, მიუხედავად სუს-ის სიგიჟეებისა, მიუხედავად უზარმაზარი ფული, რომელზედაც დგას ეს სისტემა, ჩვენ, ამ ქვეყნის მოქალაქეებს მაინც შეგვწევს უნარი, რომ ეს სისტემა გავარღვიოთ.

“ქართული ოცნება” ცდილობს წინასწარ შექმნას განწყობა, თითქოს არჩევნები დამთავრდა და გაიფორმეს გამარჯვება – ჯერ არაფერი არ დამთავრებულა. ყველა უბნებზე ჩვენი წარმომადგენლები ახლა იბრძვიან. საბოლოო ჯამში ჩვენ დავდებთ იმ შედეგებს, რაც ასახავს ქართველი ხალხის ნებას. არავის ჰქონდეს ილუზია, რომ ამ შედეგების აღიარებით, ჩვენ ამ არჩევნების ლეგიტიმურობას ვაღიარებთ, არა, ჩვენ ზუსტად ვიცით რა პროცესში მივიღეთ მონაწილეობა – ამ ხელისუფლებას, უკვე ამ შედეგებითაც, ლეგიტიმურობის სერიოზული დეფიციტი აქვს და ჩვენ უახლოეს მომავალში მივაღწევთ იმას, რომ ხელისუფლება შეიცვლება და ქვეყანა დაადგება აღმშენებლობის გზას.”