საიამ ივანიშვილის მიერ საარჩევნო კანონმდებლობის დარღვევაზე საჩივარი დაწერა

რამდენიმე წუთის წინ ახალგაზრდა იურისტთა ასოციაციამ ბრიფინგი გამართა, სადაც ამ დროისთვის არსებულ დარღვევებზე ისაუბრა.

„როდესაც ბიძინა ივანიშვილი აძლევდა ხმას, ამ დროს უბანზე იმყოფებოდნენ არაუფლებამოსილი პირები – მისი დაცვა. მის დაცვას უბანზე ყოფნის უფლება არ ჰქონდა.

ამის თაობაზე საჩივარი დავწერეთ, აქვე აღსანიშნავია, რომ ეს ფაქტი მრავალი წელია მეორდება”, – აღნიშნა საიას თავმჯდომარემ.

დღეს, 30 ოქტომბერს 5 თვითმმართველ ქალაქში, 15 თვითმმართველ თემსა და 24 მაჟორიტარულ ოლქში ადგილობრივი არჩევნების მეორე ტურები იმართება. ამომრჩეველთა საერთო რაოდენობა 2 088 722-ს შეადგენს. მოქალაქეები 20 მერსა და საკრებულოების 42 მაჟორიტარ წევრს ირჩევენ.