“თქვენ საუბრობთ სიკვდილის უფლებაზე მაგრამ გავიწყდებათ ყველაზე მნიშვნელოვანი – სიცოცხლის უფლება!” – ნუგზარ სულაშვილი

ღარიბაშვილის განცხადებას იმის შესახებ, რომ ნებისმიერ ადამიანს თვითმკვლელობის უფლება აქვს, სოციალურ ქსელში გამოეხმაურა AFG გენერალური ასამბლეის აღმასრულებელი დირექტორი ნუგზარ სულაშვილი.
“თქვენ საუბრობთ სიკვდილის უფლებაზე მაგრამ გავიწყდება ყველაზე მნიშვნელოვანი – სიცოცხლის უფლება!სიცოცხლის უფლება – ადამიანის უფლების ერთ-ერთი ფუნდამენტური და აბსოლუტური უფლებაა”,- წერს ნუგზარ სულაშვილი.
სულაშვილი პრემიერს ურჩევს სისხლის სამართლის კოდექსში, 115 მუხლი წაიკითხოს. 

“მარიონეტო  პრემიერო!კონსტიტუციით თვითმკვლელობის უფლება თუ დაშვებულია, სისხლის სამართლის კოდექსით აკრძალული და დასჯადია თვითმკვლელობამდე მიყვანა.მუხლი 115. თვითმკვლელობამდე მიყვანათვითმკვლელობამდე ან თვითმკვლელობის ცდამდე მიყვანა პირის მიმართ მუქარით ან სასტიკი მოპყრობით ანდა მისი პატივის ან ღირსების სისტემატური დამცირებით, – ისჯება  თავისუფლების  აღკვეთით  ვადით  ორიდან  ოთხ წლამდე.თქვენ საუბრობთ სიკვდილის უფლებაზე მაგრამ გავიწყდება ყველაზე მნიშვნელოვანი – სიცოცხლის უფლება!სიცოცხლის უფლება – ადამიანის უფლების ერთ-ერთი ფუნდამენტური და აბსოლუტური უფლებაა. ყველა ადამიანს აქვს სიცოცხლის თანდაყოლილი უფლება. ეს უფლება კანონითაა დაცული და არ შეიძლება ადამიანის სიცოცხლის ხელყოფა თვითმკვლელობამდე მიყვანით, რაც შეიძლება გამოიწვიოს მის მიმართ  მუქარამ  სასტიკმა მოპყრობამ, პირადი დამცირებისა და შეურაცხყოფის მცდელობამ.სიცოცხლის უფლება იწყება ადამიანის დაბადების მომენტიდან და მთავრდება გარდაცვალების მომენტში.სიცოცხლის უფლება დაცულია ადამიანის საყოველთაო დეკლარაციის მე-3 მუხლით, რომელიც გულისხმობს, რომ ყველა ადამიანს აქვს სიცოცხლის უფლება და ამავდროულად სახელმწიფოები იღებენ ვალდებულებას ერთის მხრივ, არ ხელ-ჰყონ ადამიანის სიცოცხლე.სიცოცხლის უფლება კი ხშირად ირღვევა. როცა ის უკავშირდება ისეთ თემებს, როგორიცაა, მათ შორის თვითმკვლელობამდე მიყვანა. ასე, რომ დაიბარე თქვენზე არანაკლებ ტვინ-ნაღძობი იურისტები და წიგნები გადაშალეთ!მერე ყურადღებით მოისმინეთ თქვენი ღვარძლიანი, მუქარის შემცველი, დამამცირებელი განცხადებები სააკაშვილის მიმართ და კარგად გაანალიზეთ ყველაფერი!” – წერს ნუგზარ სულაშვილი.
ცნობისათვის, პრემიერ ღარიბაშვილის მიერ გუშინ, ტელეკომპანია „იმედის“ ეთერში გაკეთებულ განცხადებას დიდი გამოხმაურება მოჰყვა.
“ფინალი არ ვიცი რა შეიძლება იყოს, ადამიანი თუ თავის ჯანმრთელობას იზიანებს, უფრო მეტი, კანონში წერია, რომ ადამიანს აქვს თვითმკვლელობის უფლება. ადამიანი თუ გადაწყვეტს, რომ თავი მოიკლას, შეუძლია მოიკლას, ამაზე სახელმწიფო ვერ აიღებს პასუხისმგებლობას,”- განაცხადა ირაკლი ღარიბაშვილმა.