ჯანდაცვის მსოფლიო ორგანიზაცია აცხადებს, რომ 2022 წლის სექტემბრამდე მსოფლიოს COVID-19-ის საწინააღმდეგო ვაქცინებითა და წამლებით უზრუნველყოფისთვის 23,4 მილიარდი აშშ დოლარია საჭირო. ამის შესახებ ჯანმო-ს ხელმძღვანელმა ტედროს ადჰანომ გებრეიესუსმა განაცხადა.
”6,8 მილიარდი დოზა ვაქცინა, რომელიც მთელ მსოფლიოში აქამდე იყო გამოყენებული, სამართლიანად რომ განაწილებულიყო, ჩვენ ყველა ქვეყანაში მოსახლეობის 40 პროცენტის ვაქცინაციის მიზანს მივაღწევდით”, – აღნიშნა მან.
მანამდე ჯანმო-ს აფრიკის ოფისმა განაცხადა, რომ აფრიკის რეგიონის 54 ქვეყნიდან წლის ბოლომდე მოსახლეობის 40%-ის ვაქცინაციის მიზანს მხოლოდ 10% მიაღწევს, თუთუ შემდგომი ზომები არ იქნება მიღებული.
კომენტარები