სოლიდარობა პოლიტპატიმარ მიხეილ სააკაშვილს! – ამ მოწოდებით საპროტესტო აქციას დღეიდან პარლამენტთან ისტორიკოსი და ბიზნესმენი სერგი კაკალაშვილი აანონსებს. მას მეგობრებიც უერთდებიან.
სერგი კაკალაშვილის თქმით, მნიშვნელოვანია სააკაშვილის გათავისუფლების მოთხოვნით აქციები საკანონმდებლო ორგანოსთანაც გაიმართოს და სისტემატიური ხასიათი მიიღოს.
“იმისთვის, რომ საზოგადოების ყურადღება მივაპყროთ ამ პრობლემისადმი აქციამ უნდა პარლამენტთან გადმოინაცვლოს. როცა უკვე ნათელი გახდა რა რისკების წინაშე დგას მიშას ჯანმრთელობა, სპონტანურად მივიღე ეს გადაწყვეტილება. ბანერებზე მივაკრავ პლაკატებს, დავჯდები აქ და მოვუწოდებ ჩემ ხალხს, დამიდგეს გვერდით, სხვა გზას მე ვერ ვხედავ”, – თქვა სერგი კაკალაშვილმა.
პროტესტის მონაწილეები რუსთაველზე სააკაშვილის მხარდამჭერ ბანერებსაც განათავსებენ.
ცნობისთვის, საქართველოს მესამე პრეზიდენტი თბილისში 1 ოქტომბერს დააკავეს. ის რუსთავის მე-12 პენიტენციურ დაწესებულებაში უკვე 29-ე დღეა, შიმშილობს.
კომენტარები