“რატომ მოგექცა ოცნება ასე, რატომ გაგაუფასურა და გაგანადგურა?! – ასე ეხმიანება ზურაბ ყიფშძის განცხადებას, ყოფილი მაღალჩინოსანი გია ხუროშვილი სოციალურ ქსელში. ხუროშვილი ზურაბ ყიფშიძესთან დაკავშირებით ერთ დეტალს იხსენებს.
“საბურთალოს რაიონის გამგეობაში მოვიდა რამდენჯერმე, როდესაც მე გამგებელი ვიყავი. ძალიან უჭირდა და დახმარებას ითხოვდა.კაბინეტში შემოვიდა თუ არა, დაიწყო ოცნების გინება- გავაჩერე და ვუთხარი:”როცა აყვავდა ნუში” ჩემი ბავშვობის საყვარელი ფილმია და მაქვს პატივი , რომ ამ ფილმის ცოცხალ პერსონაჟთან მქონდეს შეხვედრა. თქვენ ხომ იმაზე ადრე გიცნობდით, ვიდრე ნაცი და ქოცი გაჩნდებოდა თქო”!…- ამით ყოველგვარი უხერხულობა მოვუხსენი და მაქსიმალური გავაკეთე”!.. თან ძალიან ცუდად ვიგრძენი თავი, მეგონა ღირსეულ ადამიანს ველაპარაკებოდი და არ მინდოდა ჩემს თვალში გაუბრალოვებულიყო!… რატომ მოგექცა ოცნება ასე, რატომ გაგაუფასურა და გაგანადგურა?!ძალიან გულდაწყვეტილი ვწერ ამ პოსტს!” – წერს გია ხუროშვილი.
ცნობისათვის, გახმაურებული განცხადება მსახიობმა ზურაბ ყიფშიძემ ტელეკომპანია „მაესტროს“ ეთერში, გია გაჩეჩილაძის გადაცემა „კიდობანში“ განაცხადა.
„მე მაპატიეთ და ძალიან ცუდ რამეებს ვიტყვი, რა… რომ შემოვარდნილიყვნენ, ცოლი გაეუპატიურებინათ, შვილი მოეკლათ, ცოლის თვალწინ გავეუპატიურებინე… ერთი გიჟი როგორ ვერ გამოჩნდა, კენედი “დაბრიდეს…“ მე იმას კი არ ვიძახი, არიქა, კარგი იქნებოდა მიშა რომ მოეკლათ, უბრალოდ, ვერცერთმა გამწარებულმა ვერ გადადგა ეს ნაბიჯი. საშინელებას ვამბობ, არასწორად ვამბობ, მაგრამ ხომ არის ამაში ლოგიკა? როცა არაფერი აღარაფრად მიღირს, რჩება ჩემი ისტორია და მე ვეწირები რაღაცებს… ბეწვზეა გადარჩენილი და რა უნდა მაგას. იმაზე როგორ არ იფიქრებდა, – ვიღაც გამწარებული კაცი მოვა, ასე შეეწირება და მეც გამწირავსო,” – განაცხადა ზურაბ ყიფშიძემ.
კომენტარები