ციხის რესპუბლიკურ საავადმყოფოში საკადრო ცვლილებები მიმდინარეობს – ინფორმაციას ამის შესახებ მიხეილ სააკაშვილის ადვოკატი, ნიკა გვარამია ავრცელებს და იმ მედიკოსთა შემადგენლობას ასახელებს, რომლებიც ამჟამად იქ მუშაობენ:
“დაწესებულების მთავარ ექიმად 2 დღის უკან დაინიშნა მანანა ელეპტეროვა, რომელიც მანამდე ციხის საავადმყოფოს მთავარი ექიმის მოადგილე იყო.
ციხის საავადმყოფოში არის მხოლოდ 2 ქირურგი. ერთი ქირურგი კოტე ჭანატურია სასჯელს იხდიდა ნაციონალური მოძრაობის ხელისუფლებაში ყოფნის დროს, ბავშვის გატაცებაზე, ჩვენი ინფორმაციით და მისი მეუღლე გახლავთ კახეთის რეგიონის ოცნების კოროოდინატორი.” ამბობს ნიკა გვარამია.
მისი თქმით, ეს არის ინტერესთა კონფლიქტი ყოფილ ხელისუფლებასთან და მიხეილ სააკაშვილთან, რაც მესამე პრეზიდენტის სიცოცხლისთვის საფრთხისშემცველია.
ნიკა გვარამიას ინფორმაციით, ციხის საავადმყოფოში ამჟამად 2 თერაპევტი, სამი ინფექციონისტი, 1 ვენეროლოგი, 4 ექთანია მიმღებაში, ხოლო რენდგენს იღებს ლაბორანტი პორტატული აპარატით, ასევე არის 2 ექიმი ფსიქიატრი.
ნიკა გვარამიას განცხადებით, ციხის საავადმყოფოში არალიცენზირებულია იმ სამედიცინო დახმარებისთვის, რომელიც საჭიროა მიხეილ სააკაშვილისთვის და მხოლოდ ახლა შეაქვთ აპარატურა.
გარდა ამისა, ნიკა გვარამიას ინფორმაციით, კლინიკა ვივა მედი ადასტურებს, რომ პენიტენციური დაწესებულებასთან 2 წლის წინ ხელშეკრულება გაფორმდა და მათთან ყოველწლიურად 2 000-მდე პატიმარი შეჰყავთ, მათ შორის მოშიმშილე პატიმრებიც:
“შესაბამისად ეს პატიმრები წარმოადგენენ საშიშროებას გარესამყაროსთვის და პირველ რიგში მიხეილ სააკაშვილისთვის. დღეს ციხის საავადმყოფოში არ არიან სანიტრები და მათ ფუნქციას ასრულებენ პატიმრები, ამ პატიმრებს ექნებათ სრული ხელმისაწვდომობა მიხეილ სააკაშვილთან” – ამბობს ნიკა გვარამია.
ნიკა გვარამია კიდევ ერთხელ აცხადებს, რომ დაცვის მხარე სრულად გამორიცხავს მიხეილ სააკაშვილის გადაყვანას ციხის საავდმყოფოში, რადგან ფლობენ ინფორმაციას ე.წ. იმიტირებული ბუნტის შესახებ:
ჩვენ ვფლობთ ინფორმაციას იმიტირებული ბუნტის შესახებ, სააკაშვილი უნდა იყოს მუდმივი სტრესის ქვეშ და ე.წ. შუმოკით უზრუნველყოფენ ამას, ანუ იქნება ნონ სტოპ რეჟიმში პატიმრების გასაგებია რა ტექსტებიც და ბრახუნი რკინის მეტალების ნივთების და არავითარი ხმის იზოლაცია არ არსებობს. ეს იქნება სააკაშვილის სმენის არეალში მუდმივად, რაც წარმოუდგენელი ფსიქიური ზეწოლაა სააკაშვილზე – ამბობს ნიკა გვარამია
კომენტარები