“ოცნების” აქციას არ ექნება არავითარი მუხტი – დავით კირკიტაძე

ენმ-ს წევრი და რუსთავის მერობის კანდიდატი ოპოზიციიდან დავით კირკიტაძე დარწმუნებუილია, რომ ხელისუფლების მიერ დღეს ორგანიზებული აქციას  საჭირო მუხტი ვერ ექნება, რადგან აქციაზე ადამიანები საკუთარი ნების საწინააღმდეგოდ მოჰყავთ.  მისი თქმით, “ოცნების” ეს აქცია ჰგავს იმ აქციას, რომელიც “ნაციონალურმა მოძრაობამ” ხელისუფლებაში ყოფნის ბოლო დღეებში გამართა.

ესენი ყველაფერს ცდილობენ გააკეთონ იმის საპირისპიროდ, რაც გააკეთა „ნაციონალურმა მოძრაობამ“, მაგრამ სხვობა იქნება შემდეგი“ ამ აქციაზე მათ ეყოლებათ ადამიანები, რომლებიც საკუთარი ნების საწინააღმდეგოდ, სამსახურების შენარჩუნების შიშით და განცდით წამოიყვანეს რეგიონებიდან და საქართველოს დედალაქიდან. ამ აქციას არ ექნება არავითარი მუხტი და ძალიან მაგონებს და დაემსგავსება აქციას, რომელიც „ნაციონალურმა მოძრაობამ“ 2012 წელს ხელისუფლებაში ყოფნის უკანასკნელ დღეებში გააკეთა ეროვნულ სტადიონზე, ამის განმეორება იქნება, ტყუილად აწვალებენ ხალხს, მაგრამ არა უშავს, ამ ერთხელაც გადავიტანთ  ხელისუფლების უგუნურ ქმედებას, რომელსაც ხელისუფლებები ყოველთვის აკეთებენ, როდესაც მათ ვადა ეწურებათ, – განაცხადა კირკიტაძემ.