ქუთაისის ოპერის თეატრის დასის დიდი ნაწილი covid 19-ით არის ინფიცირებული, ,,ნიუპოსტს” ამის შესახებ ინფორმაცია, ოპერის საზოგადოებასთან ურთიერთობის სამსახურის ხელმძღვანელმა გულო გეგეჭკორმა მიაწოდა.
,,ბადრი ადამია კონტაქტი – მეუღლეს აქვს კორონა. ირმა შავგულიძე კონტაქტი – გამოვლენილია უკვე ტემპერატურა. ჩოგოვაძე გოჩა კოვიდი. ვალერი გიორგაძე კოვიდი. კლარა გორგოძე კოვიდი. პაქსაძე მაია კონტაქტი. შოთა ბანძელაძე კონტაქტი. სერგო ფურცხვანიძე კოვიდი. ცინცაძე ქეთევანი კონტაქტი. ნიკა ნანობაშვილი კოვიდი – აქვს19 გუნდის წევრთან კონტაქტი”, – განაცხადა გეგეჭკორმა.
კითხვაზე, თუ როდის გახდა ცნობილი იმის შესახებ, რომ დასის წევრებს კოვიდი დაუდასტურდათ, საზოგაოდებასთან ურთიერთობის სამსახური გვპასუხობს, რომ რამდენიმე დღეა აღნიშნულის შესახებ ცნობილია.
,,ეს მდგომარეობა რამდენიმე დღეა არის, როგორც მითხრეს” – აცხადებს გეგეჭკორი.
საზოგადოებასთან ურთიერთობის სამსახურის პასუხთან წინააღმდეგობაში მოდის, ქუთაისის ოპერის თეტრის სამხატვრო ხელმძღვანელის ირინა ლომინაძის სიტყვები, რომლის თანახმადაც ოპერაში კარანტინის შესახებ ინფორმაცია არის სიცრუე, ეს განცხადება მან გუშინ 26 ოქტომბერს დაახლოებით 15:00 საათზე გააკეთა.
,,როგორ შეიძლება ასეთი ტყუილი მოიგონო, თითქოს პაატა ბურჭულაზის ვიზიტის გამო თეატრში კარანტინი გამოვაცხადე”, – განაცხადა ლომინაძემ მედიასთან.
გარდა ამისა, ,,ნიუპოსტსმა” გაარკვია, რომ ქუთაისის ოპერის შენობაში არსებული ცეკვის წრე, ჩვეულ რეჟიმში მუშაობს და მოსწავლეთა მშობლებს, არანაირი კოვიდინფექციის და კარანტინის შესახებ ინფორმაცია არ გააჩნიათ, რაც რეგულაციების მიხედვით კანონდარღვევაა.
,,გუშინ ჩვეულებრივ მივიყვანე ბავშვი ცეკვაზე და დღესაც უნდა მივიყვანო, არავის უთქვამს რომ კარანტინში არიან”, – განუცხადა ,,ნიუპოსტს” ერთ-ერთმა მშობელმა.
შეგახსენებთ, გუშინ 26 ოქტომბერს მსოფლიო საოპერო ბანი პაატა ბურჭულაძე, ქუთაისის ოპერის თეატრში არ შეუშვეს.
კომენტარები