„ვინ მოკლა პირველი პრეზიდენტი? რუსეთის აგენტურამ, ავტომატიანმა შპანამ და ამ ორის ნაერთმა – საქართველოს სსრ სახალხო არტისტების დიდმა ნაწილმა, ვისაც გამსახურდია მართებულად უწოდებდა კრიმინალურ ინტელიგენციას,“ – ასე ეხმაურება მწერალი ლაშა ბუღაძე მსახიობ ზურაბ ყიფშიძის გუშინდელ განცხადებას, რომელსაც საზოგადოების ხმაურიანი რეაქცია მოჰყვა.
„არსად და არავის არ უბრძოლია ამდენი თავისი ქვეყნის წინააღმდეგ, რამდენიც მავანმა საბჭოთა სახალხო არტისტებმა იბრძოლეს – დღემდე უცნაურად აქტუალური მხატვარი კიტოვანის მეთაურობით.
ეს ეპოქალური შპანა არსად წასულა. “სახალხო არტისტები” ისევ პრეზიდენტის მკვლელობაზე ლაპარაკობენ, რადგან, როგორც ჩანს, ერთის სიკვდილი არ ეყოთ,“- წერს ლაშა ბუღაძე.
ცნობისათვის, გახმაურებული განცხადება მსახიობმა ზურაბ ყიფშიძემ ტელეკომპანია „მაესტროს“ ეთერში, გია გაჩეჩილაძის გადაცემა „კიდობანში“ განაცხადა.
„მე მაპატიეთ და ძალიან ცუდ რამეებს ვიტყვი, რა… რომ შემოვარდნილიყვნენ, ცოლი გაეუპატიურებინათ, შვილი მოეკლათ, ცოლის თვალწინ გავეუპატიურებინე… ერთი გიჟი როგორ ვერ გამოჩნდა, კენედი “დაბრიდეს…“ მე იმას კი არ ვიძახი, არიქა, კარგი იქნებოდა მიშა რომ მოეკლათ, უბრალოდ, ვერცერთმა გამწარებულმა ვერ გადადგა ეს ნაბიჯი. საშინელებას ვამბობ, არასწორად ვამბობ, მაგრამ ხომ არის ამაში ლოგიკა? როცა არაფერი აღარაფრად მიღირს, რჩება ჩემი ისტორია და მე ვეწირები რაღაცებს… ბეწვზეა გადარჩენილი და რა უნდა მაგას. იმაზე როგორ არ იფიქრებდა, – ვიღაც გამწარებული კაცი მოვა, ასე შეეწირება და მეც გამწირავსო,” – განაცხადა ზურაბ ყიფშიძემ.
კომენტარები