,,სადაც გინდათ შეგიძლიათ, თავისუფლად შეხვიდეთ, უბრალოდ ოპერაში გამოცხადებულია კარანტინი, რადგან რამდენიმე მუსიკოსს კოვიდი დაუდასტურდა” – ,,ქართული ოცნების” ქუთაისის მერობის კანდიდატის მტკიცებით, მსოფლიო საოპერო ბანის, პაატა ბურჭულაძის ქუთაისის ოპერის თეატრში შეშვება იმიტომ ვერ მოხერხდა, რომ რამდენიმე მომღერალს კოვიდი დაუდასტურდა, ამის შესახებ მან, საკუთარი ,,facebook”-ის გვერდზე პირდაპირ ეთერში ისაუბრა.
,,მინდა, ბატონ პაატა ბურჭულაძეს მოვუწოდო, არ შეფერის თქვენი დონის ხელოვანს ასეთი იაფფასიანი ტრიუკები და ნუ აყვებით იმ თქვენი ფავორიტის თემებს, ვის მხარდასაჭერადაც ჩამობრძანდით და თქვენ იმიჯს ნუ შეილახავთ. სადაც გინდათ შეგიძლიათ, თავისუფლად შეხვიდეთ, უბრალოდ ოპერაში გამოცხადებულია კარანტინი, რადგან რამდენიმე მუსიკოსს კოვიდი დაუდასტურდა.
გუშინ ბრძანდებოდით თქვენ ცენტრალურ სამუსიკო სასწავლებელში და არავის არაფერი დაუშლია თქვენთვის, პირიქით, კიდევაც მიგიღეს, გიმასპინძლეს და გამოგაცილეს, როგორც ვიცი. ასე რომ, არ გინდათ ეს იაფფასიანი სიცრუე, ამ ქალაქში ყველამ ყველაფერი ვიცით და გთხოვთ, ამ ქალაქს პატივი ვცეთ, ქუთაისი ყველა სტუმრისთვის ღიაა”, – განაცხადა ხახალეიშვილმა.
ვინ ცრუობს რეალურად მსოფლიო ბანი თუ, ხახალეიშვილი ამის დადგენა ძალიან მარტივად, ქუთაისის ოპერის თეატრის სამხატვრო ხელმძღვანელის, ირინა ლომინაძის მიერ, მედიისთვის მიცემული ინტერვიუთი შეიძლება, სადაც ლომინაძე ამტკიცებს, რომ პაატა ბურჭულაძე ოპერის თეატრში თავისი პოლიტიკური შეხედულების გამო არ შეუშვეს და ინფორმაცია კარანტინის შესახებ მტკნარი სიცრუეა.
,,მე ვინც მიცნობს იციან, რომ მე ტყუილს არ ვიკადრებ… ეს არის ჩემი მოქალაქის კონსტიტუციური უფლება, იმიტომ რომ მე არ ვცემ იმ პარტიას პატივს, რომელი პარტიის გვერდითაც დგას პაატა ბურჭულაძე… ასეთი ტყუილი, როგორ შეიძლება, რომ იკადრო, თურმე მე იმიტომ გამოვაცხადე კარანტინი თეატრში, რომ ბურჭულაძე მოდიოდა“, – განაცხადა ლომინაძემ მედიასთან საუბრისას.
შეგახსენებთ, მსოფლიო საოპერო ბანი პაატა ბურჭულაძე, რომელსაც ქუთაისის საოპერო დასთან გასაუბრება სურდა, 26 ოქტომბერს ოპერის თეატრში არ შეუშვეს.
წყარო: „ნიუპოსტი“
კომენტარები