„მე ხშირად მითქვამს, რომ საკოორდინაციო საბჭო იმიტომ არის საკოორდინაციო საბჭო, რომ იქ ერთპიროვნული გადაწყვეტილებები არ მიიღება. იქ მიიღება განხილვის და კონსესუსის წესით შეთანხმებული გადაწყვეტილებები. გიდასტურებთ, რომ სავალდებულოება იმუნიზაციასა და აცრებში არის ერთ-ერთი რთული გადაწყვეტილება. წარმატებულ ქვეყნებში, ვინც მიიღო, ძირითადად არის ირიბი მანდატორიზმის მექანიზმები, ანუ მწვანე პასპორტების სისტემა, რომელიც მუშაობს ყველა ქვეყანაში. ძირითადი დისკუსია ამაზე მიდის, თუ მწვანე პასპორტების რა ტიპის ჩარჩო იყოს შემოღებული. ჩვენ გიდასტურებთ, რომ წარვადგინეთ დაავადებათა კონტროლის ცენტრის პაკეტი ამასთან მიმართებაში“, – ამბობს დაავადებათა კონტროლის ეროვნული ცენტრის დირექტორი, ამირან გამყრელიძე.
24 ოქტომბერს საქართველოს პრემიერიმისტრმა, ირაკლი ღარიბაშვილმა თქვა, რომ ქვეყანაში სავალდებულო ვაქცინაციას არ დაუშვებს. მისი აზრით, აცრილთა რაოდენობა “საკმაოდ ეფექტური შედეგია”. ჟურნალისტმა გამყრელიძეს ჰკითხა, არის თუ არა ღარიბაშვილის განცხადება ერთიპიროვნული მართვის ილუსტრირება.
კომენტარები