კინორეჟისორ გოგა ხაინდრავას განცხადებით, ქვეყნის ყველაზე დიდი მტერი რადიკალურად განწყობილი მედიაა. მისი თქმით, ეს ვითომ მედიები, საროსკიპოები, რომლებიც ანგრევენ ქვეყანას, რეალურად გონიერ ადამიანებში ამაგრებენ „ქართული ოცნების“ პოზიციას.
„ვითომ მედიები, საროსკიპოები, საქართველოს ყველაზე დიდი მტრები, დღეს ისინი ანგრევენ საკუთარი შვილების მომავლის, ანგრევენ ამ ქვეყანას. რატომღაც ჰგონიათ, რომ ეჭიდავებიან ივანიშვილს, მაგრამ ივანიშვილს ისინი 100 წელი არ ადარდებს“, – ამის შესახებ კინორეჟისორმა გოგა ხაინდრავამ ტელეკომპანია „იმედის“ გადაცემა „იმედი live“-ში განაცხადა.
„ისინი თუ რამეს აკეთებენ, მხოლოდ ამაგრებენ „ქართული ოცნების“ პოზიციას გონიერ ადამიანებში და საქართველოს უდიდეს ნაწილს გონიერი ადამიანები შეადგენენ, ესაა გონიერი საზოგადოება. ესაა საზოგადოება, რომელმაც 3 ათასი წელი შეინახა თავისი თვითმყოფადობა, სახელმწიფოებრიობა და დღემდე მოიტანა. რომ დაფიქრდე, როგორ მოაღწია ამ ქვეყანამ აქამდე? იმ უბედურების ოკეანეში, რომელშიც ჩვენ ვცხოვრობდით დღემდე. ამის მთავარი საფუძველი და საძირკველია ქართული მართლმადიდებელი ეკლესია. ყველაზე დიდი დარტყმა, ყველაზე დიდი ძალისხმევა, ყველაზე დიდი ფინანსები და ბოროტების ყველაზე დიდი ნიაღვარი მიმართულია, რომ დაანგრიონ საქართველოს სახელმწიფოს საფუძველი. მაგრამ უფალმა თქვა, რომ „ბჭენი ჯოჯოხეთისანი“ ვერ დაამხობენ, ვერაფერს უზამენ. ეს ქვეყანა ხომ პარადოქსებითაა სავსე, უკიდურესი უკეთურება და უკიდურესი თავდადება. ამ არჩევნებსაც მოვიგებთ, ამ ბრძოლასაც მოვიგებთ და საქართველო სამშვიდობოს აუცილებლად გავა“, – აღნიშნა ხაინდრავამ.
კომენტარები