ყველას უნდა ახსოვდეს, რომ ძალაუფლების ბედი თბილისში წყდება,- წერს სოციალურ ქსელში ექსპერტი გია ხუხაშვილი. ხუხაშვილი ზოგიერთი მედით გავრცელებულ ინფორმაციას ეხმიანება, სადაც საუბარია, რომ გორიდან სამეგრელოში სპეცრაზმი გადაყავთ, რადგან იქ მყოფმა ძალოვანებმა სპეცოპერაციის ჩატარებაზე უარი თქვეს.
როგორც ექსპერტი აღნიშნავს, რასაც “ქართული ოცნება” აკეთებს საომარ მოქმედებებს ჰგავს.
“ის, რასაც ქართული ოცნება აკეთებს, ძალიან გავს საომარი მოქმედებების ტაქტიკას, თავისი საინფორმაციო-პროპაგანდისტული, “საარტირელიო” მომზადებით და პოზიციური მანევრირებით.
ვფიქრობ, ამ ტაქტიკის ნაწილია მთელი ყურადღების გადატანა ზუგდიდზე, რათა გადაიფაროს ის გადამწყვეტი პროცესი, რაც თბილისში მიმდინარეობს. განსაკუთრებით ოპოზიციის კონსოლიდაციის პირობებში პოზიტიური დღის წესრიგის წარმოდგენისთვის ხელშეშლა არის ამოცანა. ყველას უნდა ახსოვდეს, რომ ძალაუფლების ბედი თბილისში წყდება… – წერს ხუხაშვილი.
ცნობისათვის, ზოგიერთი მედიით გავრცელებულ ინფორმაციას, რომ გორიდან სპეცრაზმებელი სამეგრელოში სპეცოპერაციის ჩასატარებლად გადაჰყავთ, სახელმწიფო უსაფრთხოების სამსახური ეხმიანება. უწყების განცხადებით, მსგავსი დეზინფორმაციის გავრცელება, პირდაპირ ემსახურება წინასაარჩევნოდ საზოგადოებაში შიშისა და პანიკის დათესვას.
კომენტარები