“მე ისეთივე სოციოპათი არ ვარ და ვერ ვიტყვი იგივეს” – რას იხსენებს მაია ნიკოლეიშვილი

სასამართლო სამედიცინო ექსპერტმა მაია ნიკოლეიშვილმა „იმედის“ ეთერში განაცხადა:

„პატიმარ სააკაშვილს აქვს განდიდების მანია და თვლის, რომ ის არის განსაკუთრებული. ის არის ჩვეულებრივი პატიმარი. მან ძალიან კარგად იცოდა, რომ მე არაფრის გადატრიალების მომწყობი არ ვიყავი. ბატონ ნადარეიშვილის დეპარტამენტმა გამოიძია და ვინც დაწერა ის ბრალი, ყველაფერი დადგენილია, დაზარალებულად გვცნეს და სასამართლომ ყველა გაგვამართლა. მან ხომ იცოდა, რომ ეს ტყუილი იყო. როდესაც ჩვენ დაგვიჭირეს, ვერტმფრენები დაფრინავდნენ ქალაქში, თითქოს ბოროტმოქმედები დაიჭირეს.

მაშინ თქვა, იმაზე კი არ მწყდება გული ესენი რომ დაიჭირეს, იმაზე მწყდება გული, უკრაინასთან ჩვენმა ნაკრებმა რომ წააგოო. საბედნიეროდ, მე ისეთივე სოციოპათი არ ვარ და ვერ ვიტყვი იგივეს, მაგრამ პატიმარმა სააკაშვილმა თავისი “მანიაგრანდიოზა” გვერდზე უნდა გადადოს და ფანტაზიებიდან გამოვიდეს. ის არის ჩვეულებრივი პატიმარი. რიგითი პატიმრები სამწუხაროდ დაავადებულები არიან და ისინი ციხეში რჩებიან.  უამრავი ჯანმრთელობის მდგომარეობას ვაკეთებ, ზოგს გადაუვადებენ, ზოგი ციხეში რჩება სამწუხაროდ, მაგრამ როცა მათი ჯანმრთელობის მდგომარეობა მძიმდება, ისინი გადაჰყავთ ციხის საავადმყოფოში, სადაც ხშირად მიწევს შესვლა და ვიცი, რომ ადეკვატური მკურნალობაა.”