“ქართული ოცნების” მერობის კანდიდატი ბათუმში, არჩილ ჩიქოვანი თავის მართლების რეჟიმშია.
არჩილ ჩიქოვანს თითქმის ყოველდღიურად საჯაროდ უწევს მისი მძიმე პოლიტიკური წარსულის ახსნა. ჩიქოვანი წინა ხელისუფლების დროს ძალოვანი უწყების მაღალჩინოსანი იყო. ჩიქოვანმა დაწინაურება სოდი-დან დაიწყო და სამხედრო პოლიციაში გაგრძელდა. ჩიქოვანი აჭარის სამხედრო პოლიციის უფროსის პოსტს იმ დროს იკავებდა, როდესაც ეს უწყება მეგის ქარდავას ებარა. ოპოზიციაში ჩიქოვანს მედროვეს უწოდებენ.
აბაშიძის დროს იყო, აბაშიძის ხელისუფლების წარმომადგენელი, მიშას დროს იყო მიშას ხელისუფლების წარმომადგენელი, ივანიშვილის დროს არის ივანიშვილის ხელისუფლების წარმომადგენელი. მე რომ მოვალ ხელისუფლებაში იქნება მურმან დუმბაძის ხელისუფლების წარმომადგენელი, ეს არის ჩვეულებრივი მედროვე კაცი”, – ამბობს მურმან დუმბაძე.
ჩიქოვანის სახელი ასევე უკავშირდება სპეცოპერაციას, რომელშიც დაკავებულ ადამიანებს სპეცრაზმელები სასტიკად უსწორდებიან. ამის შესახებ ვიდეომტკიცებულებაც არსებობს, თუმცა ჩიქოვანი ამ მასალას “ფეიქს” უწოდებს. ასევე არსებობს ფოტომასალა, სადაც ის სააკაშვილთან ერთად ღვინოს სვამს.
კომენტარები