,,მიხეილ სააკაშვილი არის პოლიტიკური მძევალი, ჩვენ ვხედავთ რომ მის სასამართლო პროცესებსაც კი არ მართავენ” – მიხეილ სააკაშვილის ადვოკატის ბექა ბასილაიას განცხადებით, რომელიც მან გადაცემა ,,პირველ ხაზში” გააკეთა, ვიდეო მასალა, რომელიც მიხეილ სააკაშვილის საზღვრის კვეთასთან არის კავშირში და რომელიც ტელეკომპანია ,,იმედმა” გამოაქვეყნა, არის სრული კანონდარღვევით განხორციელებული ქმედება.
ბასილაია განმარტავს, რომ სააკაშვილის კუთვნილი მობილური ტელეფონები, რომელიც გამოძიებას აქვს, ჯერ არ არის გახნილი და მათში არსებული მასალები საქმეებზე არ არის დართული, თუმცა ვიდეო მასალა აქვს ტელეკომპანია ,,იმედს”, რაც იმაზე მიანიშნებს, რომ პროკურატურამ გადასცა მათ ეს მასალები.
,,და ახლა გამოიტანეს ისეთი ინფორმაცია, როლის გამოტანაც არის დანაშაული, მე ამ ვიდეოს ავთნტურობას არ ვადასტურებ, მაგრამ მთავარი ის არის, რომ მე გადმომეცა გუშინ სრული მასალები ამ საზღვრის კვეთასთან დაკავშირებით, ამ მასალების მიხედვით მიხეილ სააკაშვილის ტელეფონებიდან ამოღებული ინფორმაცია არ არის გახსნილი და დართული საქმეზე, ანუ გამოდის რომ ტელე ,,იმედს” მიაწოდა პროკურატურამ ის მასალები, რომელიც არ არის საქმის მასალებში დართული, თუმცა სააკაშვილის პირადი ტელეფონიდან ამოღებული ინფორმაციის მიწოდება ტელევიზიისთვის ეს არის სამართალდარღვევა. ამ ვიდეოზე წვდომის უფლება არავის არ უნდა ჰქონდა”,- განაცხადა ბასილაიამ.
მისივე თქმით, სააკაშვილის ადვოკატები პროკურატურის აღნიშნულ ქმედებას, როგორც საქართველოს ასევე, სტრასბურგის სასამართლოებში გაასაჩივრებენ.
,,მიუხედავად იმისა რომ საქართველოში დღეს არ არსებობს სასამართლო და ის არის გაუქმებული, მაგრამ ჩვენ ყველა სამართლებრივ ნაბიჯს ვდგამთ იმისთვის,რომ ეს ყველაფერი იყოს დადოკუმენტებული და როდესაც იქნება ნამდვილი მართლმსაჯულება ყველაფერს უნდა გაეცეს პასუხები და ამის შესახებ ჩვენ წარვადგენთ აუცილებლად სამხილებს სტრასბურგის ადამიანის უფლებათა სასამართლოში”, – განაცხადა ბასილაიამ.
კომენტარები