“ვუშვებ იმას, რომ პრეზიდენტი სააკაშვილს შეიწყალებს,” – ამის შესახებ სამოქალაო აქტივისტმა და სულხან მოლაშვილის ძმამ, თორნიკე მოლაშვილმა “ჯორჯიან თაიმისის” გადაცემაში, “რეალურ პოლიტიკაში” მიხეილ სააკაშვილზე საუბრისას განაცხადა.
“იცით რაშია საქმე, ბრალი არ აქვს წაყენებული და ვფიქრობ, რომ ეს შეგნებულად ხდება. ალბათ, ვიღაცის, ან რაღაცის იმედი არ აქვთ…” – განაცხადა თორნიკე მოლაშვილმა.
გადაცემის წამყვანის რეპლიკაზე, პრეზიდენტმა თქვა, რომ ის მიხეილ სააკაშვილს არასოდეს შეიწყალებს და ვინ უნდა შეიწყალოს ექსპრეზიდენტი? თორნიკე მოლაშვილი ამბობს, რომ არ იცის, თუმცა აქვე დასძენს, რომ პრეზიდენტს ამის უფლება აქვს.
“არ ვიცი ვინ უნდა შეიწყალოს… კი ბატონო, ზურაბიშვილს უფლება აქვს, რომ შეიწყალოს. ამ შემთხვევაში ვუშვებ, რომ შეიწყალოს… არა, ღმერთმა დაგვიფაროს. ორი ხელმოწერა უნდა გააკეთოს მაგ შემთვევაში – ერთი, რომ თვითონ გადადგეს. ჯერ მიშა უნდა გაანთავისუფლოს და მერე უნდა გადადგეს. ეს ძაან დიდი პრობლემა იქნება ქალბატონი სალომესთვის, მაგრამ მე ვუშვებ მაინც ამას,” – განაცხადა თორნიკე მოლაშვილმა.
კომენტარები